(БҰРЫНҒЫ РЕДАКЦИЯ) «ӨНЕРКӘСІПТІК ҚАУІПСІЗДІК САЛАСЫНДАҒЫ МЕМЛЕКЕТТІК ИН...

Өнеркәсіптік қауіпсіздік саласындағы мемлекеттік инспекторлар актілерінің нысандарын бекіту туралы
Қазақстан Республикасы Инвестициялар және даму министрінің м.а. 2015 жылғы 1 қыркүйектегі № 894 бұйрығы

(2019.22.11. берілген өзгерістермен)

Осы редакция 2023 жылғы 14 шілдеде енгізілген өзгерістеріне дейін қолданылды 

«Азаматтық қорғау туралы» 2014 жылғы 11 сәуірдегі Қазақстан Республикасы Заңының 12-2-бабы 11) тармақшасына сәйкес БҰЙЫРАМЫН:

ҚР Инвестициялар және даму министрінің 2016.22.04. № 395 бұйрығымен 1-тармақ жаңа редакцияда (бұр.ред.қара)

1. Мынадай нысандар бекітілсін:

1) ҚР Индустрия және инфрақұрылымдық даму министрінің 2019.22.11. № 874 бұйрығымен алып тасталды (бұр.ред.қара)

2) осы бұйрыққа 2-қосымшаға сәйкес қызметке немесе қызметтің жекелеген түрлеріне тыйым салу не оны тоқтата тұру туралы акт;

3) ҚР Индустрия және инфрақұрылымдық даму министрінің 2019.22.11. № 874 бұйрығымен алып тасталды (бұр.ред.қара)

4) осы бұйрыққа 4-қосымшаға сәйкес өнеркәсіптік қауіпсіздік талаптарын әкімшілік құқық бұзушылық туралы хаттама;

5) осы бұйрыққа 5-қосымшаға сәйкес әкімшілік жаза қолдану туралы қаулы.

2. Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитеті (А.Қ. Ержанов):

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарында және «Әділет» ақпараттық-құқықтық жүйесінде ресми жариялауға жіберуді;

3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;