| ||||||||||||||||||||
|
|
|
"2002 жылға арналған республикалық бюджет туралы" Қазақстан Қазақстан Республикасының Yкіметі қаулы етеді: 1. 2002 жылға арналған республикалық бюджет қосымшаға сәйкес: кiрiстерi бойынша - 465 612 615 мың теңге; алынған ресми трансферттер бойынша - 49 064 505 мың теңге; несиелердi қайтару бойынша - 10 727 276 мың теңге; шығындар бойынша - 572 856 905 мың теңге; несиелер бойынша - 33 024 491 мың теңге; республикалық бюджет тапшылығының шектi мөлшерi 80 477 000 мың теңге немесе елдiң жалпы iшкi өнiмiнiң болжамды көлемiнiң 2,3 пайызы мөлшерiнде атқаруға қабылдансын. ҚР Үкіметінің 8.05.02 ж. № 508 қаулысына сәйкес 2-тармаққа өзгерістер енгізілді 2. Қазақстан Республикасының Қаржы министрлiгі: 1) 2002 жылғы 1 ақпанға дейiнгi мерзiмде аумақтық бөлiнiсте республикалық бюджетке түсетiн ай сайынғы түсiмдердiң және жергiлiктi бюджеттерге түсетiн түсiмдердiң болжамдарын Қазақстан Республикасының Мемлекеттік кiрiс министрлігіне жеткiзсiн; 2) мыналарды әзiрлесiн және заңнамада белгiленген тәртiппен Қазақстан Республикасы, Yкіметінiң қарауына енгiзсін; 2002 жылғы 1 ақпанға дейiнгi мерзiмде "Қазақстан Республикасы Yкіметінiң 2001 жылғы 19 наурыздағы № 369А қаулысына өзгерістер енгізу туралы" Қазақстан Республикасы Yкіметі қаулысының жобасы; 2002 жылғы 1 наурызға дейiнгi мерзiмде: Алматы облысының әкімімен, мүдделi мемлекеттік органдармен бiрлесiп, 2002 жылға арналған республикалық бюджетте орталық мемлекеттік органдардың аумақтық бөлiмшелерiн Талдықорған қаласына көшiру жөніндегі iс-шараларды аяқтауға көзделген қаражатты бөлу туралы шешiмнiң жобасы; Жамбыл облысының әкімімен, мүдделi мемлекеттік органдармен бiрлесiп, 2002 жылға арналған республикалық бюджетте Тараз қаласының 2000 жылдығын мерекелеуге дайындыққа байланысты iс-шараларды өткiзуге көзделген қаражатты бөлу туралы шешiмнiң жобасы; 2002 жылға арналған республикалық бюджетте өтелуi және қызмет көрсетiлуi көзделген мемлекеттік кепiлдiктерi бар мемлекеттік емес сыртқы заемдар бойынша заемшылардың тiзбесiн бекіту туралы шешiмнiң жобасы; 3) Қазақстан Республикасының Экономика және сауда министрлігімен, Қазақстан Республикасының Әдiлет министрлігімен бiрлесiп, 2002 жылдың бiрiншi тоқсаны iшiнде Астана қаласында мемлекеттік қызметшiлер үшiн тұрғын үй сатып алуға бөлiнетiн қаражатты пайдалану туралы шешiмнiң жобасын әзiрлесiн және заңнамада белгiленген тәртiппен Қазақстан Республикасы Yкіметінiң қарауына енгiзсiн. 3. Қазақстан Республикасының Ұлттық қауiпсiздiк комитетi (келісім бойынша) қаржыландырудың ерекше тәртібін ескере отырып, ұлттық қауiпсiздiк органдарына жүктелген мiндеттер мен функцияларға және қолданылып жүрген заңнамаға сәйкес 050 "Ұлттық қауiпсiздiктi қамтамасыз ету" бағдарламасы бойынша бөлiнетiн бюджет ақшасының пайдаланылуын қамтамасыз етсiн. 4. Қазақстан Республикасы Президентінің Күзет қызметi (келісім бойынша) қаржыландырудың ерекше тәртібін ескере отырып, көрсетiлген органға жүктелген мiндеттер мен функцияларға және қолданылып жүрген заңнамаға сәйкес 030 "Мемлекет басшыларының және жекелеген лауазымды тұлғалардың қауiпсiздiгiн қамтамасыз ету" бағдарламасы бойынша бөлiнетiн бюджет ақшасының пайдаланылуын қамтамасыз етсiн. 5. Республикалық бюджеттік бағдарламалардың әкiмшiлерi: 1) 2002 жылғы 10 қаңтарға дейiнгi мерзiмде: жылдық тағайындаулар шегiнде бюджеттік бағдарламаларды (кiшi бағдарламаларды) мiндеттемелер мен төлемдер бойынша қаржыландыру жоспарларын Қазақстан Республикасының Қаржы министрлігіне ұсынсын, сондай-ақ бюджеттік бағдарламаларды (кiшi бағдарламаларды) мiндеттемелер мен төлемдер бойынша қаржыландыру жоспарларын бекiтсiн және ведомстволық бағыныстағы мемлекеттік мекемелерге жеткiзсiн; бюджеттік бағдарламалардың паспорттарын әзiрлесiн және Қазақстан Республикасының Yкіметіне бекітуге енгiзсiн; 2) бұрын Қазынашылықтың аумақтық органдарында тiркелген, бiрақ 2001 жылы аяқталмаған азаматтық-құқықтық шарттарды мiндеттi түрде қайта тiркей отырып, жылдық тағайындаулар шегiнде республикалық бюджеттен қаржыландырылатын мемлекеттік мекемелердiң азаматтық-құқықтық шарттарын белгіленген тәртiппен тiркеудi қамтамасыз етсiн. 6. Қазақстан Республикасының Экономика және сауда министрлігі мыналарды әзiрлесiн және заңнамада белгiленген тәртiппен Қазақстан Республикасы Yкіметінiң қарауына енгiзсiн: мүдделi мемлекеттік органдармен бiрлесiп, 2002 жылғы 15 ақпанға дейiнгi мерзiмде мемлекеттік қорғаныс тапсырысын бекіту туралы шешiмнiң жобасы; 2002 жылдың бiрiншi тоқсаны iшiнде 2002 жылға арналған республикалық бюджетте Қазақстан Республикасының қорғаныс өнеркәсiбiн дамытудың және конверсиялаудың ұзақ мерзiмдi кезеңге арналған мемлекеттік бағдарламасын iске асыруға көзделген 150 000 мың теңге сомасындағы бюджет ақшасын бөлу жөніндегі ұсыныстар. 7. Қазақстан Республикасының Еңбек және халықты әлеуметтiк қорғау министрлігі: 1) мыналарды әзiрлесiн және заңнамада белгiленген тәртiппен Қазақстан Республикасы Үкіметінiң қарауына енгiзсiн: 2002 жылғы 10 қаңтарға дейiнгi мерзiмде мемлекеттік орган болып табылмайтын мемлекеттік мекемелердiң қызметкерлерiне еңбекақы төлеу жүйесi туралы шешiмнiң жобасы; 2002 жылғы 15 қаңтарға дейiнгi мерзiмде Зейнетақы төлеу жөніндегі мемлекеттік орталықтан зейнетақы төлемдерiнiң мөлшерiн арттыру ережесi; аумағында ұшу-сынақ полигондары және "Байқоңыр" ғарыш айлағы кешенi орналасқан облыстардың әкiмдерiмен әрi мүдделi министрлiктермен және ведомстволармен бiрлесiп, 2002 жылғы 1 наурызға дейiнгi мерзiмде 2002 жылға арналған республикалық бюджетте осы аумақтардың халқына атаулы әлеуметтiк көмек көрсету үшiн көзделген қаражатты бөлу туралы шешiмнiң жобасы; Ақтөбе және Қызылорда облыстарының өкiмдерiмен бiрлесiп, 2002 жылғы 1 наурызға дейiнгi мерзiмде 2002 жылға арналған республикалық бюджетте Ақтөбе облысының Шалқар ауданы, Қызылорда облысының Арал және Қазалы аудандары халқына атаулы әлеуметтiк көмек көрсету үшiн көзделген қаражатты бөлу туралы шешiмнiң жобасы; 2) Семей ядролық сынақ полигонындағы ядролық сынақтардың салдарынан зардап шеккен азаматтардың зейнетақыларына үстемеақылар төлеу бойынша өткен жылдардың мiндеттемелерiн орындауға бөлiнген әлеуметтiк төлемдердiң толықтығы мен уақтылығын қамтамасыз етсiн. ҚР Үкіметінің 28.05.02 ж. № 576 қаулысына сәйкес 8-тармаққа өзгерістер енгізілді 8. Қазақстан Республикасының Ауыл шаруашылығы министрлігі мынадай ережелердi әзiрлесiн және заңнамада белгіленген тәртiппен Қазақстан Республикасы Yкіметінiң қарауына енгiзсiн: 1) 2002 жылғы 15 қаңтарға дейiнгi мерзiмде: Минералдық тыңайтқыштарды сатып алуға ауыл шаруашылығы тауар өндiрушiлерiн субсидиялау; Таңдаулы тұқымды өсiрудi және асыл тұқымдандыру iсiн сақтауға және дамытуға қаражат төлеу; Мемлекеттік азық-түлiк резервiне 2002 жылы астық сатып алу; 2) 2002 жылғы 1 ақпанға дейiнгi мерзiмде: Көктемгi егiс және егiн жинау жұмыстарын жүргiзудi ұйымдастыруға жергiлiктi бюджеттердi несиелендiру; Лизингтiк негiзде ауыл шаруашылығы техникасымен қамтамасыз ету; Ауылдық несие серiктестiктерiнiң жүйесi арқылы ауыл шаруашылығы өндiрiсiн несиелендiру; Мал шаруашылығы өнiмдерiн өндiру және оны сатып алу. ҚР Үкіметінің 18.04.02 ж. № 450 қаулысына сәйкес 9-тармаққа өзгерістер енгізілді 9. Қазақстан Республикасының Көлiк және коммуникациялар министрлігі 2002 жылғы 1 ақпанға дейiнгi мерзiмде мынадай ережелердi әзiрлесiн және заңнамада белгiленген тәртiппен Қазақстан Республикасы Үкіметінiң қарауына енгiзсiн: Республикалық және жергiлiктi бюджеттердiң есебiнен тұрақты iшкi әуе тасымалдауын субсидиялау. 10. Қазақстан Республикасының Табиғи ресурстар және қоршаған ортаны қорғау министрлігі: 1) мыналарға көзделген бюджет ақшасын бөлу туралы шешiмнiң жобасын әзiрлесiн және 2002 жылғы 25 қаңтарға дейiнгi мерзiмде заңнамада белгiленген тәртiппен Қазақстан Республикасы Үкіметінiң қарауына енгiзсiн: 500 000 мың теңге сомасында қоршаған ортаның ластануын жоюға және алдын алуға; 2 320 000 мың теңге сомасында сумен қамтамасыз ету жүйелерiн салуға және қайта жаңартуға; 361 981 мың теңге сомасында су беруге байланысты емес республикалық маңызы бар су шаруашылығы объектiлерiн пайдалануға; 2) Қазақстан Республикасының Қаржы министрлігімен бiрлесiп, 2002 жылғы 25 қаңтарға дейiнгi мерзiмде Қазақстан Республикасы Үкіметінiң бұрын қабылданған шешiмдерiн "Қоршаған ортаны қорғау туралы" Қазақстан Республикасының 1997 жылғы 15 шiлдедегi Заңына сәйкес келтiру туралы ұсыныстарды Қазақстан Республикасының Yкіметіне енгiзсiн. 11. Қазақстан Республикасының Табиғи монополияларды реттеу, бәсекелестiктi қорғау және шағын бизнестi қолдау жөніндегі агенттiгi 2002 жылғы 1 ақпанға дейiнгi мерзiмде "Шағын кәсiпкерлiктi дамыту қоры" жабық акционерлік қоғамының несие ресурстарын толықтыру және пайдалану ережесін әзiрлесiн және заңнамада белгiлеген тәртiппен Қазақстан Республикасы Үкіметінiң қарауына енгiзсiн. 12. Қазақстан Республикасының Iшкi iстер министрлігі заңнамада белгiленген тәртiппен: ұсталуы, қызмет көрсетiлуi және жөнделуi 2002 жылғы 1 қаңтардан бастап жергiлiктi бюджеттердiң қаражаты есебiнен жүзеге асырылатын негiзгi құралдарды коммуналдық меншiкке берсiн; 2002 жылғы 1 қаңтарға дейiнгi мерзiмде Қазақстан Республикасының Табиғи монополияларды реттеу, бәсекелестiктi қорғау және шағын бизнестi қолдау жөніндегі агенттiгiмен бiрлесiп, мемлекеттік тiркеу нөмiрi белгiлерiн, көлiк құралдарын тiркегенi туралы куәлiктердi және жүргiзу куәлiктерiн бергенi үшiн төлем мөлшерлерiн және оларды алу тәртібін бекітудi қамтамасыз етсiн. 13. Қазақстан Республикасының Қорғаныс министрлігі 2002 жылғы 15 қаңтарға дейiнгi мерзiмде Қазақстан Республикасының Ұлттық қауiпсiздiк комитетiмен (келісім бойынша), Қазақстан Республикасы Президентінің Күзет қызметiмен (келісім бойынша), Қазақстан Республикасының Республикалық Ұланымен (келісім бойынша), Қазақстан Республикасының Iшкi iстер министрлігімен, Қазақстан Республикасының Төтенше жағдайлар жөніндегі агенттiгiмен және басқа да мүдделi мемлекеттік органдармен бiрлесiп, Тұрғын үй қорының тиесілілiгiне қарамастан тұрғын үйдi ұстауға, коммуналдық қызметтерге (орталықтандырылған жылыту, суық және ыстық сумен жабдықтау, кәрiз, электрмен жабдықтау, газбен жабдықтау) арналған шығыстарды төлеу үшiн ақшалай өтемақы төлеу ережесін әзiрлесiн және Қазақстан Республикасы Үкіметінiң қарауына енгізсiн. 14. Қазақстан Республикасының Әдiлет министрлігі "Қылмыстық-атқару жүйесiнiң аппараттары және аумақтық органдарының бөлiмшелерi" кiшi бағдарламасы бойынша әкiмшiлiк шығындарының құрамында 183 912 мың теңге сомасында республикалық бюджет қаражаты есебiнен штат саны 474 бiрлiк 199 қылмыстық-атқару инспекциясын ұстауды көздесiн. 15. Қазақстан Республикасы Президентiнің Iс Басқармасы (келісім бойынша) автомашиналар паркiн жаңарту жөніндегі бағдарламаны iске асыру кезiнде Қазақстан Республикасы Парламентiнiң автомашиналар паркiн жаңарту мәселесiн қарасын. 16. Қазақстан Республикасының Мемлекеттік кiрiс министрлігі Қазақстан Республикасының Қаржы министрлігімен, облыстардың, Астана және Алматы қалаларының әкiмдерiмен бiрлесiп, 2002 жылғы 1 сәуiрге дейiнгi мерзiмде 2002-2003 жылдарға алкоголь өнiмдерi мен мұнай өнiмдерi бойынша акциздердiң түсуiн әкiмшіліктендiрудi жақсарту жөніндегі ұсыныстарды Қазақстан Республикасы Үкіметінiң қарауына енгiзсiн. 17. Облыстардың, Астана және Алматы қалаларының әкiмдерi: 1) Қазақстан Республикасының Қаржы министрлігіне мыналарды ұсынсын: 2002 жылғы 15 қаңтарға дейiнгi мерзiмде тараптардың бiрi жергiлiктi атқарушы орган болып табылатын қолданыстағы несие келісімдерiне өзгерістер енгізу жөніндегі және қажет болған ретте жаңа келісімдер жасасу жөніндегі ұсыныстар; 2002 жылғы 25 қаңтарға дейiнгi мерзiмде жергiлiктi бюджеттерге түсетiн түсiмдердiң белгiленген тәртiппен бекітілген ай сайынғы сомасы; 2) 2002 жылдың бiрiншi тоқсаны iшiнде несиелiк берешектi түгендеудi жүргiзсiн және Қазақстан Республикасының Қаржы министрлігіне несиелiк берешек сомасы туралы есептi ұсынсын. 18. Республикалық және жергiлiктi бюджеттік бағдарламалардың әкiмшiлерi бөлiнетiн бюджет ақшасының игерiлуiн және мақсатты пайдаланылуын қамтамасыз етсiн. 19. Орталық атқарушы органдар 2002 жылғы 1 ақпанға дейінгі мерзімде Қазақстан Республикасы Үкіметінің бұрын қабылданған шешімдерін осы қаулыға сәйкес келтіру туралы ұсыныстарды Қазақстан Республикасының Үкіметіне енгізсін. 20. Осы қаулы қол қойылған күнінен бастап күшіне енеді. Қазақстан Республикасының
Үкіметінің 2001 жылғы 25 желтоқсандағы № 1715 қаулысына қосымша ҚР Үкіметінің 18.03.02 ж. № 324; 07.06.02 ж. № 611 ; 19.06.02 ж. № 673; 13.06.02 ж. № 638;; 26.06.02 ж. № 694; 27.06.02 ж. № 696; 17.07.02 ж. № 795; 14.08.02 ж. № 897; 11.09.02 ж. № 994; 16.09.02 ж. № 1012 қаулыларына сәйкес қосымша өзгерітілді; 15.10.02 ж. № 1128 қаулысымен қосымша жаңа редакцияда; 02.11.02 ж. № 1161; 08.11.02 ж. № 1179; 22.11.02 ж. № 1242; 28.11.02 ж. № 1247; 09.12.02 ж. № 1291; 09.12.02 ж. № 1293; 14.12.02 ж. № 1315;; 24.12.02 ж. № 1355;; 24.12.02 ж. № 1363 қаулыларымен қосымша өзгерітілді Қазақстан Республикасының 2002 жылға арналған республикалық бюджеті
Доступ к документам и консультации
от ведущих специалистов |
|||||||||||||||||||||