«Заң жобаларына заңдық (құқықтық) сараптама жүргізу бойынша Әдістемелік ұсынымдарды бекіту туралы» Қазақстан Республикасы Әділет министрінің 2016 жылғы 26 қыркүйектегі № 800 бұйрығы

Заң жобаларына заңдық (құқықтық) сараптама жүргізу бойынша Әдістемелік ұсынымдарды бекіту туралы
Қазақстан Республикасы Әділет министрінің 2016 жылғы 26 қыркүйектегі № 800 бұйрығы

«Әділет органдары туралы» Қазақстан Республикасы Заңының 7-бабы 2-тармағының 3) тармақшасын басшылыққа ала отырып, сондай-ақ Үкіметінің 2015 жылғы 31 желтоқсандағы № 1151 қаулысымен бекітілген Қазақстан Республикасының 2010 жылдан 2020 жылға дейінгі кезеңге арналған құқықтық саясат тұжырымдамасын іске асыру жөніндегі 2016 жылға арналған іс-шаралар жоспарының 14-тармағына сәйкес, БҰЙЫРАМЫН:

1. Қоса берілген Заң жобаларына заңдық (құқықтық) сараптама жүргізу бойынша Әдістемелік ұсынымдарды бекіту.

2. Заңнама департаметінің қызметкерлеріне заң жобалардың заңдық (құқықтық) сараптама жүргізу кезінде бұл Әдістемелік ұсынымдарын басшылыққа алу.

3. Осы бұйрық қол қойылған күнінен бастап күшіне енеді.

Заңнамалық актілер жобаларының заң (құқықтық) сараптамасын жүргізу жөніндегі

ӘДІСТЕМЕЛІК ҰСЫНЫМДАР

Осы Әдістемелік ұсынымдарда Әділет министрлігінің заңнамалық актілер жобаларының заң (құқықтық) сараптамасын жүргізуі тәртібі, сондай-ақ олар бойынша қорытындылар дайындау айқындалады

1-бөлім. Жалпы ережелер

1. Заңнамалық актілер жобаларының заң сараптамасын (бұдан әрі - заң сараптамасы) жүргізу кезінде Әділет министрлігінің Заңнама департаменті пайдалану үшін заңнамалық актілер жобаларының заң сараптамасын жүргізу жөніндегі әдістемелік ұсынымдар әзірленген.

2. Заң сараптамасын жүргізу кезінде мынадай нормативтік құқықтық актілерді:

1) Қазақстан Республикасының Конституциясын;

2) «Құқықтық актілер туралы» Заңды;

3) Қазақстан Республикасының уәкілетті органдарында заң жобалау жұмысын ұйымдастыру қағидаларын;

4) Үкіметтің Регламентін;