«Төтенше жағдайлардың алдын алу және жою жөніндегі ведомствоаралық мемлекеттік комиссия туралы» Қазақстан Республикасы Үкіметінiң 1996 жылғы 3 мамырдағы № 553 Қаулысы (2014.04.09. берілген өзгерістер мен толықтырулармен) (күші жойылды)

Төтенше жағдайлардың алдын алу және жою жөніндегі ведомствоаралық мемлекеттік комиссия туралы
Қазақстан Республикасы Үкіметінiң 1996 жылғы 3 мамырдағы № 553 Қаулысы

(2014.04.09. берілген өзгерістер мен толықтырулармен)

ҚР Үкіметінің 2015 жылғы 18 маусымдағы № 457 Қаулысымен күші жойылды

ҚР Үкіметінiң 2005.09.02. № 122 Қаулысымен кіріспе өзгерді (бұр. ред. қара)

Төтенше жағдайларда алдын алу мен iс-қимыл жасаудың мемлекеттік жүйесiн одан әрi жетiлдiру, министрлiктердiң, өзге де орталық және жергiлiктi атқарушы органдардың, ғылыми, қоғамдық ұйымдар мен бiрлестiктердiң халықты және аумақтарды авариялардан, апаттар мен зiлзала нәубеттерiнен қорғау, табиғи және техногендiк сипаттағы төтенше жағдайлардың алдын алу мәселелерi жөніндегі iс-қимылын үйлестiру жөніндегі ұсыныстарды әзiрлеу мақсатында Қазақстан Республикасының Үкіметі қаулы етедi:

ҚР Үкіметінiң 2005.09.02. № 122 Қаулысымен (бұр. ред. қара); 2014.04.09. № 970 Қаулысымен (бұр. ред. қара) 1-тармақ өзгертілді

1. Төтенше жағдайлардың алдын алу және жою жөніндегі ведомствоаралық мемлекеттік Комиссия құрылсын.

Төтенше жағдайлардың алдын алу және жою жөніндегі ведомствоаралық мемлекеттік комиссия мемлекеттік азаматтық қорғау жүйесіндегі консультациялық-кеңесші орган болып табылады және азаматтық қорғау саласында бірыңғай мемлекеттік саясат қалыптастыру және жүргізу жөніндегі ұсыныстарды әзірлеу мақсатында құрылған.

ҚР Үкіметінiң 28.04.98 ж. № 390 Қаулысымен 2-тармақ өзгертілді

2. Төтенше жағдайлардың алдын алу және жою жөніндегі ведомствоаралық мемлекеттік Комиссия туралы қоса берiлiп отырған Ереже бекітілсiн.

ҚР Үкіметінiң 05.05.00 ж. № 671; 2005.09.02. № 122 (бұр. ред. қара) Қаулыларымен 3-тармақ өзгерді; ҚР Үкіметінің 2014.04.09. № 970 Қаулысымен 3-тармақ жаңа редакцияда (бұр. ред. қара)

3. Облыстардың, Астана және Алматы қалаларының әкімдері төтенше жағдайлардың алдын алу және жою жөніндегі облыстық (қалалық, аудандық) комиссияларды құрып, басшылық жасауды олардың өздеріне бекітіп, ал ұйымдық-техникалық қамтамасыз етуді және қабылданған хаттамалық шешімдердің орындалуын бақылауды Қазақстан Республикасы Ішкі істер министрлігі Төтенше жағдайлар комитетінің аумақтық бөлімшелеріне жүктесін.

ҚР Үкіметінiң 2005.09.02. № 122 Қаулысымен 4-тармақ өзгерді (бұр. ред. қара)

4. Министрлiктердiң, өзге де орталық және атқарушы органдар Төтенше жағдайлардың алдын алу және жою жөнiнде тиiстi салалық және объектiлiк комиссиялар құрып, оларға басшылық етудi өздерiнiң бiрiншi орынбасарларына (бас инженерлерiне) жүктейтiн болсын.

5. Қазақстан Республикасы Үкіметінiң шешiмдерi қосымшаға сәйкес күшiн жойды деп танылсын.

Қазақстан Республикасының

Премьер-Министрi

Қазақстан Республикасы Үкіметінiң

1996 жылғы 3 мамырдағы № 553 Қаулысымен

бекiтiлген

Төтенше жағдайлардың алдын алу және жою жөніндегі

ведомствоаралық мемлекеттік комиссия туралы

ЕРЕЖЕ

ҚР Үкіметінің 2014.04.09. № 970 Қаулысымен 1-тармақ жаңа редакцияда (бұр. ред. қара)

1. Төтенше жағдайлардың алдын алу және жою жөніндегі ведомствоаралық мемлекеттік комиссия (бұдан әрі - Комиссия) консультациялық-кеңесші орган болып табылады және азаматтық қорғау саласында бірыңғай мемлекеттік саясат қалыптастыру және жүргізу жөніндегі ұсыныстарды әзірлеу мақсатында құрылған.

ҚР Үкіметінiң 2005.09.02. № 122 Қаулысымен 2-тармақ өзгерді (бұр. ред. қара)

2. Комиссия өзiнiң өкiлеттiктерiн министрлiктермен, өзге де орталық және атқарушы органдармен, Қазақстан Республикасының меншiктiң барлық нысандарындағы кәсiпорындармен, мекемелермен және ұйымдармен, сондай-ақ қоғамдық бiрлестiктермен қарым-қатынас жасай отырып жүзеге асырады.

ҚР Үкіметінiң 07.11.03 ж. № 1112; 2005.09.02. № 122 (бұр. ред. қара) Қаулыларымен 3-тармақ өзгерді; ҚР Үкіметінің 2014.04.09. № 970 Қаулысымен 3-тармақ жаңа редакцияда (бұр. ред. қара)

3. Комиссияның негізгі міндеттері:

1) азаматтық қорғауды дамытудың және одан әрі жетілдірудің негізгі бағыттары;

2) азаматтық қорғау саласында құқықтық, экономикалық, ұйымдық-техникалық және өзге де шаралар жүйесін қалыптастыру;

3) азаматтық қорғау саласында күштер мен құралдарды құру және дамыту;

4) орталық және жергілікті атқарушы органдардың авариялардың, апаттардың, зілзаланың және басқа да нәубеттердің салдарынан зардап шеккен азаматтарды, сондай-ақ төтенше жағдайларды және олардың салдарын жоюға қатысқан адамдарды әлеуметтік-экономикалық және құқықтық қорғау, медициналық оңалту мәселелері бойынша қызметін үйлестіру бойынша ұсыныстар әзірлеу болып табылады.

ҚР Үкіметінiң 2005.09.02. № 122 Қаулысымен 4-тармақ өзгерді (бұр. ред. қара); ҚР Үкіметінің 2014.04.09. № 970 Қаулысымен 4-тармақ жаңа редакцияда (бұр. ред. қара)

4. Комиссияның:

1) орталық және жергілікті атқарушы органдардың, ғылыми ұйымдар мен қоғамдық бірлестіктердің азаматтық қорғау саласындағы іс-қимылдарын үйлестіру жөнінде ұсыныстар енгізуге;

2) орталық және жергілікті атқарушы органдардың, ұйымдардың басшылары мен лауазымды адамдарын азаматтық қорғау саласындағы іс-шараларға қатысты мәселелер бойынша тыңдауға;

3) орталық және атқарушы органдардан, ұйымдардан өз жұмысына қажетті олардың қызметі жөнінде ақпарат сұратуға;

4) орталық және жергілікті атқарушы органдардың азаматтық қорғау жөніндегі іс-шараларды орындауына талдау жүргізуге;

5) ұйымдардың мамандарын (олардың басшыларымен келісім бойынша) азматтық қорғау мәселелері жөнінде талдау, сараптама және басқа да жұмыстарды орындау үшін тартуға;

6) табиғи және техногендік сипаттағы төтенше жағдайларды жою кезінде адамдардың тыныс-тіршілігін қамтамасыз ету үшін Қазақстан Республикасы Үкіметінің резервінен қаражат бөлу туралы Қазақстан Республикасының Премьер-Министріне ұсыныс енгізуге құқығы бар.

ҚР Үкіметінiң 28.04.98 ж. № 390 Қаулысымен 5-тармақ жаңа редакцияда; ҚР Үкіметінің 05.05.00 ж. № 671 Қаулысымен 5-тармақ өзгертілді; ҚР Үкіметінің 07.11.03 ж. № 1112 Қаулысымен 5-тармақ жаңа редакцияда (бұр. ред. қара); ҚР Үкіметінiң 02.02.04 ж. № 123 Қаулысымен 5-тармақ жаңа редакцияда (бұр. ред. қара); ҚР Үкіметінiң 2005.09.02. № 122 Қаулысымен (бұр. ред. қара); 2014.04.09. № 970 Қаулысымен (бұр. ред. қара) 5-тармақ жаңа редакцияда

5. Қазақстан Республикасы Ішкі істер министрі комиссияның төрағасы болып табылады.

ҚР Үкіметінiң 28.04.98 ж. № 390; 05.05.00 ж. № 671; 2005.09.02. № 122 (бұр. ред. қара) Қаулыларымен 6-тармақ өзгерді; ҚР Үкіметінің 2014.09.04. № 329 Қаулысымен 6-тармақ жаңа редакцияда (бұр. ред. қара); ҚР Үкіметінің 2014.04.09. № 970 Қаулысымен 6-тармақ өзгерді (бұр. ред. қара)

6. Қазақстан Республикасы Ішкі істер министрлігінің Төтенше жағдайлар комитеті Комиссияның жұмыс органы болып табылады.

Комиссияның жұмыс органы комиссия жұмысын ұйымдастырушылық-техникалық қамтамасыз етуді жүзеге асырады, оның ішінде комиссия отырысының күн тәртібі бойынша ұсыныстарды, қажетті құжаттарды, материалдарды дайындайды, олар комиссия отырысы өткізілгенге дейін үш жұмыс күні қалғанда хаттама жобасымен қоса комиссия мүшелеріне жіберілуі тиіс.

ҚР Үкіметінiң 28.04.98 ж. № 390; 05.05.00 ж. № 671; 2005.09.02. № 122 (бұр. ред. қара) Қаулыларымен; 2014.04.09. № 970 Қаулысымен (бұр. ред. қара) 7-тармақ өзгерді

7. Комиссия өзiнiң қызметiн төраға бекiтетiн жұмыс жоспарына сәйкес жүзеге асырады.

Комиссияның мәжілістерi қажет болуына қарай, бiрақ тоқсан сайын кемiнде бiр рет өткiзiледi. Комиссияның шешiмдерi хаттамамен ресiмделедi.

Қазақстан Республикасы Үкіметінің шешімін талап ететін мәселелер бойынша Комиссия Қазақстан Республикасы Ішкі істер министрлігі арқылы белгіленген тәртіппен тиісті ұсыныстар енгізеді.

8. Комиссияның құзыретiне сәйкес қабылданған шешiмдерiнiң нұсқаулық сипаты болады.

9. Комиссия Қазақстан Республикасының Үкіметін Комиссия қарайтын және шешетiн неғұрлым маңызды мәселелер жөнiнде үнемi хабардар етiп отырады.

ҚР Үкіметінің 2014.09.04. № 329 Қаулысымен 10-тармақпен толықтырылды

10. Комиссия отырысы өткізілгеннен кейін комиссия хатшысы хаттама ресімдейді.

ҚР Үкіметінің 2014.09.04. № 329 Қаулысымен 11-тармақпен толықтырылды

11. Комиссия шешімдері ашық дауыс беру арқылы қабылданады және оларға комиссия мүшелерінің жалпы санының көпшілігі дауыс берсе, қабылданды деп есептеледі. Дауыс беру комиссия отырысында Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасы Үкіметінің жанындағы консультациялық-кеңесші органдар мен жұмыс топтарын құру тәртібі, қызметі мен таратылуы туралы нұсқаулыққа (бұдан әрі - Нұсқаулық) қосымшаға сәйкес нысан бойынша дауыс беру парағын толтыру жолымен өткізіледі. Дауыстар тең болған жағдайда, төраға дауыс берген шешім қабылданды деп есептеледі.

Комиссия мүшелерінің ерекше пікір білдіруге құқығы бар, оны білдірген жағдайда, ол жазбаша түрде жазылуы және Нұсқаулықтың 24-тармағында көзделген комиссияның есеп-хатына қоса берілуі тиіс.

Комиссия отырыстарын өткізу нәтижелері бойынша және дауыс беру парақтарының негізінде үш жұмыс күні ішінде хаттама жасалады, оған төраға мен хатшы қол қояды.

Дауыс беру қорытындысы бойынша хаттама жобасының мазмұны өзгерген жағдайда, комиссия хатшысы қабылданған шешімнің нақтыланған редакциясы бар дауыс беру парағын комиссия мүшелеріне келісу үшін жібереді.

Комиссия мүшелері дауыс беру парағын алғаннан кейін бір жұмыс күні ішінде келісу не себептерін негіздей отырып, келіспеу туралы жауап береді.

ҚР Үкіметінің 2014.09.04. № 329 Қаулысымен 12-тармақпен толықтырылды

12. Дауыс беру парақтарымен қоса, комиссия материалдары мен хаттамалық шешімдерін есепке алуды және сақтауды комиссияның жұмыс органы жүзеге асырады.

Қазақстан Республикасы Үкіметінiң

1996 жылғы 3 мамырдағы № 553 Қаулысымен

бекiтiлген

Қазақстан Республикасы Үкіметінiң күшiн жойған шешiмдерiнiң

ТIЗБЕСI

1. «Қазақ ССР-iнiң Төтенше жағдайлар жөніндегі мемлекеттік комиссиясының дербес құрамы туралы» Қазақ ССР Министрлер Кабинетінің 1991 жылғы 11 қыркүйектегi № 525 қаулысы.

2. «Қазақстан Республикасының Төтенше жағдайлар жөніндегі мемлекеттік комиссиясының дербес құрамы туралы» Қазақстан Республикасы Министрлер Кабинетінің 1992 жылғы 28 мамырдағы № 476 қаулысы.

3. «Қазақстан Республикасының Төтенше жағдайлар жөніндегі мемлекеттік комиссиясының дербес құрамы туралы» Қазақстан Республикасы Министрлер Кабинетінің 1993 жылғы 3 мамырдағы № 345 қаулысы.

4. «Қазақстан Республикасының Төтенше жағдайлар жөніндегі мемлекеттік комиссиясының дербес құрамы туралы» Қазақстан Республикасы Министрлер Кабинетінің 1994 жылғы 19 қаңтардағы № 82 қаулысы.

5. «Қазақстан Республикасының Төтенше жағдайлар жөніндегі мемлекеттік комиссиясының дербес құрамы туралы» Қазақстан Республикасы Министрлер Кабинетінің 1994 жылғы 29 сәуірдегі № 463 қаулысы (Қазақстан Республикасының ПҮАЖ-ы, 1994 ж., № 20, 210-бап).

6. «Қазақстан Республикасының Төтенше жағдайлар жөніндегі мемлекеттік комиссиясының дербес құрамы туралы» Қазақстан Республикасы Министрлер Кабинетінің 1994 жылғы 6 қазандағы № 1119 қаулысы.

7. «Қазақстан Республикасының Төтенше жағдайлар жөніндегі мемлекеттік комиссиясының дербес құрамы туралы» Қазақстан Республикасы Министрлер Кабинетінің 1994 жылғы 7 желтоқсандағы № 1379 қаулысы.

8. «Қазақстан Республикасының Төтенше жағдайлар жөніндегі мемлекеттік комиссиясының дербес құрамына өзгертулер енгізу туралы» Қазақстан Республикасы Министрлер Кабинетінің 1994 жылғы 23 желтоқсандағы № 1453 қаулысы.

9. «Қазақстан Республикасының Төтенше жағдайлар жөніндегі мемлекеттік комиссиясының дербес құрамына өзгертулер енгізу туралы» Қазақстан Республикасы Министрлер Кабинетінің 1995 жылғы 6 наурыздағы № 223 қаулысы.

10. «Қазақстан Республикасының Төтенше жағдайлар жөніндегі мемлекеттік комиссиясының дербес құрамына өзгертулер енгізу туралы» Қазақстан Республикасы Министрлер Кабинетінің 1995 жылғы 19 мамырдағы № 718 қаулысы.