«Қосалқы (шунтталатын) электр беру желілері мен шағын станцияларды жобалауды және салуды келісу» мемлекеттік қызметін көрсету регламентін бекіту туралы» Қазақстан Республикасы Индустрия және жаңа технологиялар министрінің м.а. 2012 жылғы 10 қазандағы № 376 бұйрығы (күші жойылды)

«Қосалқы (шунтталатын) электр беру желілері мен шағын станцияларды жобалауды және салуды келісу» мемлекеттік қызметін көрсету регламентін бекіту туралы
Қазақстан Республикасы Индустрия және жаңа технологиялар министрінің м.а. 2012 жылғы 10 қазандағы № 376 бұйрығы

ҚР Премьер-Министрінің орынбасары - ҚР Индустрия және жаңа технологиялар министрінің 2014 жылғы 6 мамырдағы № 156 бұйрығымен күші жойылды

«Әкімшілік рәсімдер туралы» Қазақстан Республикасы Заңының 9-1-бабының 4-тармағын іске асыру мақсатында БҰЙЫРАМЫН:

1. Қоса берілген «Қосалқы (шунтталатын) электр беру желілері мен шағын станцияларды жобалауды және салуды келісу» мемлекеттік қызмет көрсету регламенті бекітілсін.

2. Қазақстан Республикасы Индустрия және жаңа технологиялар министрлігінің Электр энергетикасы және көмір өнеркәсібі департаменті (Ж.Қ. Бөкенбаев):

1) осы бұйрықтың Қазақстан Республикасы Әділет министрлігінде тіркеуден өтуін қамтамасыз етсін.

2) осы бұйрықтың мемлекеттік тіркелгеннен кейін оның ресми жариялануын қамтамасыз етсін.

3. Осы бұйрықтың орындалуын бақылау Индустрия және жаңа технологиялар вице-министрі Б.М. Жақсалиевке жүктелсін.

4. Осы бұйрық оның алғашқы ресми жарияланған күнінен бастап қолданысқа енгізіледі.

Қазақстан Республикасы

Индустрия және жаңа

технологиялар министрінің

2012 жылғы 10 қазандағы

№ 376 бұйрығымен

бекітілген

«Қосалқы (шунтталатын) электр беру желiлерi мен шағын станцияларды жобалауды және
салуды келісу»

мемлекеттік қызметін көрсету регламенті

1. Жалпы ережелер

1. Осы «Қосалқы (шунтталатын) электр беру желiлерi мен шағын станцияларды жобалауды және салуды келісу» мемлекеттік қызметін көрсету регламенті (бұдан әрі - Регламент) «Әкімшілік рәсімдер туралы» Қазақстан Республикасы Заңының 9-1-бабының 4-тармағына сәйкес әзірленген.

2. «Қосалқы (шунтталатын) электр беру желiлерi мен шағын станцияларды жобалауды және салуды келісу» мемлекеттік қызметін (бұдан әрі - мемлекеттік қызмет) Қазақстан Республикасы Индустрия және жаңа технологиялар министрлігі (бұдан әрі - Министрлік) көрсетеді.