«Қазақстан Республикасының кейбір заңнамалық актілеріне резервтегі әскери қызмет және жекелеген орталық мемлекеттік органдардың функцияларын қайта бөлу мәселелері бойынша өзгерістер мен толықтырулар енгізу туралы» Қазақстан Республикасының 2025 жылғы 18 наурыздағы № 175-VIII Заңы

ҚАЗАҚСТАН РЕСПУБЛИКАСЫНЫҢ

ЗАҢЫ

Қазақстан Республикасының кейбір заңнамалық актілеріне резервтегі әскери

қызмет және жекелеген орталық мемлекеттік органдардың функцияларын қайта бөлу

мәселелері бойынша өзгерістер мен толықтырулар енгізу туралы

1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:

1-тармақ 2025 ж. 30 наурыздан бастап қолданысқа енгізілді

1. 2003 жылғы 9 шілдедегі Қазақстан Республикасының Су кодексіне:

1) 1-бап мынадай мазмұндағы 21-3) тармақшамен толықтырылсын:

«21-3) суармалы жерлердің мелиорациялық жай-күйін мониторингтеу және бағалау - суармалы жерлердің мелиорациялық жай-күйін бағалауға және оларды жақсарту бойынша ұсынымдар әзірлеуге бағытталған іздестіру жұмыстарының кешені;»;

2) 37-баптың 1-тармағының бірінші бөлігі мынадай мазмұндағы 28-7), 28-8) және 28-9) тармақшалармен толықтырылсын:

«28-7) мынадай:

ауыл шаруашылығы тауарын өндірушілерге су беру бойынша көрсетілетін қызметтердің құнын;

суарудың су үнемдейтін технологияларын ендіруге бағытталған инвестициялық салымдар кезінде ауыл шаруашылығы тауарын өндірушілер шеккен шығыстардың бір бөлігін өтеу бойынша субсидиялау қағидаларын әзірлейді және бекітеді;

28-8) суармалы жерлердің мелиорациялық жай-күйіне мониторинг жүргізу және оны бағалау қағидаларын әзірлейді және бекітеді;

28-9) суармалы жерлердің мелиорациялық жай-күйі не мониторинг жүргізуді және оны бағалауды ұйымдастырады;»;

3) 95-баптың 7-тармағындағы «жай-күйінің мониторингін және оны бағалауды бюджет қаражаты есебінен мамандандырылған мемлекеттік мекемелер жүргізеді» деген сөздер «жай-күйіне мониторинг және оны бағалау бюджет қаражаты есебінен жүргізіледі» деген сөздермен ауыстырылсын;

4) 135-баптың 1-тармағы 7) тармақшасындағы «қаржыландыру болып табылады.» деген сөздер «қаржыландыру;» деген сөзбен ауыстырылып, мынадай мазмұндағы 7-1) және 7-2) тармақшалармен толықтырылсын:

«7-1) ауыл шаруашылығы тауарын өндірушілерге су беру бойынша көрсетілетін қызметтердің құнын субсидиялау;

7-2) суарудың су үнемдейтін технологияларын ендіруге бағытталған инвестициялық салымдар кезінде ауыл шаруашылығы тауарын өндірушілер шеккен шығыстардың бір бөлігін өтеу бойынша субсидиялау болып табылады;».

2. 2014 жылғы 3 шілдедегі Қазақстан Республикасының Қылмыстық кодексіне:

3-баптың 6) тармағындағы «шақыру бойынша не келісімшарт бойынша Қазақстан Республикасының Қарулы Күштерінде, Қазақстан Республикасының басқа да әскерлері мен әскери құралымдарында әскери қызмет өткеріп жүрген әскери қызметшілер, сондай-ақ запастағы азаматтар жиындардан өтуі кезінде» деген сөздер «әскери қызметшілер» деген сөздермен ауыстырылсын.

3. 2014 жылғы 4 шілдедегі Қазақстан Республикасының Қылмыстық-процестік кодексіне:

1) 61-баптың екінші бөлігінде:

5) тармақтың бірінші абзацындағы «Қазақстан Республикасының Қарулы Күштерінде, Қазақстан Республикасының басқа да әскерлері мен әскери құралымдарында шақыру немесе келісімшарт бойынша әскери қызметін өткеріп жүрген әскери қызметшілер, әскери жиындардан өту кезінде запаста тұрған азаматтар» деген сөздер «әскери қызметшілер» деген сөздермен ауыстырылсын;

7) тармақтағы «Қазақстан Республикасының Қарулы Күштерінде, Қазақстан Республикасының басқа да әскерлері мен әскери құралымдарында шақыру немесе келісімшарт бойынша әскери қызметін өткеріп жүрген, өздеріне бағынысты әскери қызметшілер, сондай-ақ әскери жиындардан өту кезінде запаста тұрған азаматтар» деген сөздер «өздеріне бағынысты әскери қызметшілер» деген сөздермен ауыстырылсын;

2) 143-баптың бірінші бөлігіндегі «немесе оқу жиынына шақырылған әскери міндеттілер» деген сөздер алып тасталсын;

3) 191-бапта:

төртінші бөліктегі «Қазақстан Республикасының Қарулы Күштерінде, Қазақстан Республикасының басқа да әскерлері мен әскери құралымдарында әскери қызметті шақыру немесе келісімшарт бойынша өткеріп жүрген әскери қызметшілер; әскери жиындардан өтуі кезінде запастағы азаматтар» деген сөздер «әскери қызметшілер» деген сөздермен ауыстырылсын;

жиырмасыншы бөліктегі «Қазақстан Республикасының Қарулы Күштерінде, Қазақстан Республикасының басқа да әскерлері мен әскери құралымдарында әскери қызметті шақыру немесе келісімшарт бойынша өткеріп жүрген әскери қызметшілер; әскери жиындардан өтуі кезінде запастағы азаматтар» деген сөздер «әскери қызметшілер» деген сөздермен ауыстырылсын;

4) 309-баптың екінші бөлігінің 2) тармағындағы және үшінші бөлігінің 2) тармағындағы «Қазақстан Республикасының Қарулы Күштерінде, басқа да әскерлерде және әскери құралымдарда шақыру немесе келісімшарт бойынша әскери қызмет өткеріп жүрген әскери қызметшілер, әскери жиындардан өту кезінде запастағы азаматтар» деген сөздер «әскери қызметшілер» деген сөздермен ауыстырылсын.

4. 2015 жылғы 23 қарашадағы Қазақстан Республикасының Еңбек кодексіне:

1) 22-баптың 2-тармағы 7) тармақшасындағы «өтеуге міндетті.» деген сөздер «өтеуге;» деген сөзбен ауыстырылып, мынадай мазмұндағы 8) тармақшамен толықтырылсын:

«8) резервтегі әскери қызметті өткеру туралы келісімшарт жасасқаны жөнінде жұмыс берушіні үш жұмыс күні ішінде жазбаша хабардар етуге міндетті.»;

2) 65-баптың 4-тармағы 5) тармақшасындағы «жүргізілген кезеңде шығарылмайды.» деген сөздер «жүргізілген;» деген сөзбен ауыстырылып, мынадай мазмұндағы 6) тармақшамен толықтырылсын:

«6) резервтегі әскери қызметті өткеріп жүрген жұмыскер жауынгерлік даярлық бойынша сабақтарда немесе жиындарда, дағдарыстық ахуалдар кезіндегі жиындарда болған кезеңде шығарылмайды.»;

3) 66-баптың 3-тармағы 8) тармақшасындағы «тану кезеңінде тоқтатыла тұрады.» деген сөздер «тану;» деген сөзбен ауыстырылып, мынадай мазмұндағы 9) тармақшамен толықтырылсын:

«9) резервтегі әскери қызметті өткеріп жүрген жұмыскер жауынгерлік даярлық бойынша сабақтарда немесе жиындарда, дағдарыстық ахуалдар кезіндегі жиындарда болу кезеңінде тоқтатыла тұрады.»;

4) 93-бап мынадай мазмұндағы 1-1-тармақпен толықтырылсын:

«1-1. Резервтегі әскери қызметті өткеріп жүрген жұмыскерлерге жыл сайынғы ақы төленетін еңбек демалыстарын берудің кезектілігі осы баптың 1-тармағы негізінде, сондай-ақ жауынгерлік даярлық бойынша сабақтар немесе жиындар өткізу графигіне (ол болған кезде) сәйкес айқындалады.»;

5) мынадай мазмұндағы 124-1-баппен толықтырылсын:

«124-1-бап. Резервтегі әскери қызметті өткеріп жүрген жұмыскерлер үшін кепілдік

Резервтегі әскери қызметті өткеріп жүрген жұмыскерлердің жауынгерлік даярлық бойынша сабақтардан немесе жиындардан, дағдарыстық ахуалдар кезіндегі жиындардан өту кезеңдерінде жұмыс орны (лауазымы) сақталады.».

5. 2023 жылғы 20 сәуірдегі Қазақстан Республикасының Әлеуметтік кодексіне:

1) 1-баптың 1-тармағы 77) тармақшасының үшінші абзацындағы «әскери қызметшілерге» деген сөздер «резервтегі әскери қызметті өткеріп жүрген әскери қызметшілерді қоспағанда, әскери қызметшілерге» деген сөздермен ауыстырылсын;

2) 176-баптың 1-тармағының 4) және 5) тармақшалары «әскери қызметшілерден» деген сөздерден кейін «және резервтегі әскери қызметті өткеріп жүрген әскери қызметшілерден» деген сөздермен толықтырылсын;

3) 190-баптың 3-тармағының 6) тармақшасындағы «бейбіт» деген сөз «резервтегі әскери қызметті өткеріп жүрген әскери қызметшілерді қоспағанда, бейбіт» деген сөздермен ауыстырылсын;

4) 212-бапта:

1-тармақта:

2) тармақша «кезде» деген сөзден кейін «, сондай-ақ келісімшарт мерзімі өткеннен кейін» деген сөздермен толықтырылсын;

3) тармақша «мерзімді қызметтегі» деген сөздерден кейін «, резервтегі әскери қызметті өткеріп жүрген» деген сөздермен толықтырылсын;

4-тармақта:

«отырып, еңбек сіңірген жылдары үшін зейнетақы төлемдерінің тағайындалуына құқығы бар» деген сөздер «отырып, қызметтен босатылған күннен бастап бүкіл кезеңге Қазақстан Республикасының заңнамасында белгіленген тәртіппен жүргізілген жыл сайынғы арттыруларды қолдана отырып, еңбек сіңірген жылдары үшін зейнетақы төлемдерінің тағайындалуына құқығы бар» деген сөздермен ауыстырылсын;

мынадай мазмұндағы екінші бөлікпен толықтырылсын:

«2016 жылғы 1 қаңтардан бастап 2023 жылғы 31 желтоқсан аралығындағы кезеңде тағайындалған еңбек сіңірген жылдары үшін зейнетақы төлемдері қызметтен босатылған күннен бастап бүкіл кезеңге Қазақстан Республикасының заңнамасында белгіленген тәртіппен жүргізілген жыл сайынғы арттырулар ескеріле отырып, қайта қаралуға жатады және 2024 жылғы 1 қаңтардан бастап төленеді.»;

6-тармақ «мемлекеттік қызметке» деген сөздерден кейін «(резервтегі әскери қызметтен басқа)» деген сөздермен толықтырылсын.

6. «Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы» 1992 жылғы 18 желтоқсандағы Қазақстан Республикасының Заңына:

15-бап «кезде» деген сөзден кейін «резервтегі әскери қызметті өткеріп жүрген әскери қызметшілерді қоспағанда,» деген сөздермен толықтырылсын.

7. «Тұрғын үй қатынастары туралы» 1997 жылғы 16 сәуірдегі Қазақстан Республикасының Заңына:

1) 101-2-бапта:

1-тармақтың бірінші бөлігі «міндеттілерді» деген сөзден кейін «, резервтегі әскери қызметті өткеріп жүрген әскери қызметшілерді» деген сөздермен толықтырылсын;

11-тармақ «қызметшілерден» деген сөзден кейін «, резервтегі әскери қызметті өткеріп жүрген әскери қызметшілерден» деген сөздермен толықтырылсын;

2) 101-3-баптың 1-тармағы бірінші бөлігінің бірінші абзацы «міндеттілерді» деген сөзден кейін «, резервтегі әскери қызметті өткеріп жүрген әскери қызметшілерді» деген сөздермен толықтырылсын.

8. «Жұмылдыру дайындығы мен жұмылдыру туралы» 1997 жылғы 16 маусымдағы Қазақстан Республикасының Заңына:

17-бап мынадай мазмұндағы 3-тармақпен толықтырылсын:

«3. Мемлекеттік органдарға және ұйымдарға бекітіп қойылған әскери міндеттілер резервтегі әскери қызметке қабылданбайды.».

9. «Жекелеген қару түрлерінің айналымына мемлекеттік бақылау жасау туралы» 1998 жылғы 30 желтоқсандағы Қазақстан Республикасының Заңына:

15-баптың 6-тармағындағы «Қарулы Күштердің, басқа да әскерлер мен әскери құралымдардың әскери қызметшілері,» деген сөздер «Резервтегі әскери қызметті өткеріп жүрген әскери қызметшілерді қоспағанда, Қарулы Күштердің, басқа да әскерлер мен әскери құралымдардың әскери қызметшілері, сондай-ақ» деген сөздермен ауыстырылсын.

10. «Қылмыстық процеске қатысатын адамдарды мемлекеттік қорғау туралы» 2000 жылғы 5 шілдедегі Қазақстан Республикасының Заңына:

21-1-бапта:

тақырыптағы «, әскери жиындардан өтуі кезінде запастағы азаматтардың» деген сөздер алып тасталсын;

1-тармақтағы «, сондай-ақ әскери жиындардан өтуі кезінде запастағы азаматтардың» деген сөздер алып тасталсын.

11. «Қазақстан Республикасының қорғанысы және Қарулы Күштері туралы» 2005 жылғы 7 қаңтардағы Қазақстан Республикасының Заңына:

23-баптың 1-тармағының 9) тармақшасындағы «мерзімді қызметтің әскери қызметшілерімен, келісімшарт бойынша» деген сөздер «әскери қызметшілермен» деген сөздермен ауыстырылсын.

12-тармақ 2025 ж. 30 наурыздан бастап қолданысқа енгізілді

12. «Агроөнеркәсіптік кешенді және ауылдық аумақтарды дамытуды мемлекеттік реттеу туралы» 2005 жылғы 8 шілдедегі Қазақстан Республикасының Заңына:

1) 1-баптың 26-1) тармақшасы алып тасталсын;

2) 6-баптың 1-тармағының 21-1), 22-1), 37), 40-1), 40-2) тармақшалары және 41) тармақшасының бесінші абзацы алып тасталсын;

3) 7-баптың 2-тармағы мынадай мазмұндағы 17-17) және 17-18) тармақшалармен толықтырылсын:

«17-17) ауыл шаруашылығы тауарын өндірушілерге су беру бойынша көрсетілетін қызметтердің құнын субсидиялауды жүзеге асыру;

17-18) суарудың су үнемдейтін технологияларын ендіруге бағытталған инвестициялық салымдар кезінде ауыл шаруашылығы тауарын өндіруші шеккен шығыстардың бір бөлігін өтеу;»;

4) 11-бапта:

2-тармақтың 5-3) тармақшасы алып тасталсын;

4-тармақтың бірінші абзацындағы «Агроөнеркәсіп кешенін» деген сөздер «Осы баптың 6-тармағында көзделген жағдайды қоспағанда, агроөнеркәсіп кешенін» деген сөздермен ауыстырылсын;

мынадай мазмұндағы 6-тармақпен толықтырылсын:

«6. Ауыл шаруашылығы тауарын өндірушілерге су беру бойынша, сондай-ақ суарудың су үнемдейтін технологияларын ендіруге бағытталған инвестициялық салымдар кезінде ауыл шаруашылығы тауарын өндіруші шеккен шығыстардың бір бөлігін өтеу бойынша көрсетілетін қызметтердің құнын субсидиялау су қорын пайдалану және қорғау, сумен жабдықтау, су бұру саласындағы уәкілетті орган бекітетін қағидаларға сәйкес жүзеге асырылады.»;

5) 13-2-бап алып тасталсын.

13. «Әскери қызмет және әскери қызметшілердің мәртебесі туралы» 2012 жылғы 16 ақпандағы Қазақстан Республикасының Заңына:

1) 1-бапта:

мынадай мазмұндағы 26-1), 30-1) және 42-1) тармақшалармен толықтырылсын:

«26-1) дағдарыстық ахуал кезіндегі жиындар - дағдарыстық ахуалды оқшаулауға және жоюға қатысу үшін, сондай-ақ Қазақстан Республикасының заңдарында көзделген өзге де жағдайларда резервтегі әскери қызметті өткеріп жүрген әскери қызметшілермен өткізілетін іс-шаралар;»;

«30-1) жауынгерлік даярлық бойынша жиындар - жауынгерлік даярлық бағдарламалары бойынша резервтегі әскери қызметті өткеріп жүрген әскери қызметшілермен өткізілетін іс-шаралар;»;

«42-1) резервтегі әскери қызметті өткеріп жүрген әскери қызметшілер (бұдан әрі - резервтегі әскери адамдар) - Қарулы Күштерге, басқа да әскерлер мен әскери құралымдарға резервтегі әскери қызметке өз еркімен кірген Қазақстан Республикасының азаматтары;»;

48) тармақша «келісімшарт» деген сөзден кейін «немесе резервтегі әскери қызметті өткеру туралы келісімшарт» деген сөздермен толықтырылсын;

2) 4-баптың бірінші бөлігіндегі «және әскери жиындарға шақырылған әскери міндеттілерге» деген сөздер алып тасталсын;

3) 5-бапта:

1-тармақта:

үшінші бөлік бесінші абзацындағы «бастап ие болады.» деген сөздер «бастап;» деген сөзбен ауыстырылып, мынадай мазмұндағы алтыншы абзацпен толықтырылсын:

«резервтегі әскери адамдар - жауынгерлік даярлық бойынша сабақтарға немесе жиындарға, дағдарыстық ахуалдар кезіндегі жиындарға келу туралы әскери бөлім (мекеме) командирінің (бастығының) бұйрығы шыққан күннен бастап ие болады.»;

төртінші бөлік «бөлімнің» деген сөзден кейін «(мекеменің)» деген сөзбен толықтырылсын;

мынадай мазмұндағы бесінші бөлікпен толықтырылсын:

«Резервтегі әскери адам әскери бөлім (мекеме) командирінің (бастығының) жауынгерлік даярлық бойынша сабақтарды немесе жиындарды, дағдарыстық ахуалдар кезіндегі жиындарды аяқтау туралы бұйрығы шыққан күннен бастап не резервтегі әскери қызметтен шығарылуына байланысты әскери бөлім (мекеме) тізімдерінен алып тасталған күннен бастап әскери қызметші мәртебесін жоғалтады.»;

3-тармақта:

бірінші бөліктің 7) тармақшасы «бөлімнің» деген сөзден кейін «(мекеменің)» деген сөзбен толықтырылсын;

екінші бөлік «келісімшарт бойынша» деген сөздерден кейін «әскери қызмет өткеретін» деген сөздермен толықтырылсын;

мынадай мазмұндағы төртінші бөлікпен толықтырылсын:

«Резервтегі әскери адамдар әскери бөлімде (мекемеде) жауынгерлік даярлық бойынша сабақтарда немесе жиындарда, сондай-ақ дағдарыстық ахуалдар кезіндегі жиындарда болған кезеңдерде әскери қызмет міндеттерін орындауда болады.»;

4) 6-бапта:

1-тармақта:

екінші бөлікте:

1) және 2) тармақшалардағы «мемлекет есебінен» деген сөздер «бюджет қаражаты есебінен» деген сөздермен ауыстырылсын;

16) тармақшадағы «педагогтік» деген сөз «медициналық, педагогтік» деген сөздермен ауыстырылсын;

мынадай мазмұндағы үшінші бөлікпен толықтырылсын:

«Осы тармақтың 1), 7), 13) (еңбек сіңірген жылдары үшін зейнетақы төлемдері бөлігінде), 15) (жыл сайынғы еңбек демалысын беру бөлігінде) және 16) тармақшаларының күші резервтегі әскери адамға қолданылмайды.»;

2-тармақтың бірінші бөлігінің 1) тармақшасы «бөлімдердің» деген сөзден кейін «(мекемелердің)» деген сөзбен толықтырылсын;

5) 7-баптың 3-тармағындағы «бойынша» деген сөзден кейін «әскери қызмет өткеретін» деген сөздермен толықтырылсын;

6) 18-баптың 1-тармағында:

бірінші бөлік 2) тармақшасындағы «әскери қызметті қамтиды.» деген сөздер «әскери қызметті;» деген сөздермен ауыстырылып, мынадай мазмұндағы 3) тармақшамен толықтырылсын:

«3) резервтегі әскери қызметті қамтиды.»;

мынадай мазмұндағы екінші бөлікпен толықтырылсын:

«Жұмылдыру, соғыс жағдайы кезеңінде және соғыс уақытында резервтегі әскери адамдар келісімшарт бойынша әскери қызметке ауысады.»;

7) 21-баптың 4-1-тармағының екінші бөлігі және 4-2-тармағының екінші бөлігі «келісімшарт бойынша» деген сөздерден кейін «әскери қызмет өткеретін» деген сөздермен толықтырылсын;

8) 22-1-баптың 1-тармағының бірінші бөлігі және 2-тармағының бірінші бөлігі «келісімшарт бойынша» деген сөздерден кейін «әскери қызмет өткеретін» деген сөздермен толықтырылсын;

9) 23-баптың 1-тармағының екінші бөлігіндегі «Әскери» деген сөз «Далалық киім нысанымен қамтамасыз етілетін резервтегі әскери адамдарды қоспағанда, әскери» деген сөздермен ауыстырылсын;

10) 24-баптың 1-тармағы 3) тармақшасындағы «мерзімге белгіленеді.» деген сөздер «мерзімге;» деген сөзбен ауыстырылып, мынадай мазмұндағы 4) тармақшамен толықтырылсын:

«4) резервтегі әскери адамдар үшін - жауынгерлік даярлық бойынша сабақтарда немесе жиындарда, дағдарыстық ахуалдар кезіндегі жиындарда болу кезеңдеріне белгіленеді.»;

11) 25-бап мынадай мазмұндағы 1-1-тармақпен толықтырылсын:

«1-1. Резервтегі әскери қызметте болудың шекті жасын мыналар құрайды:

1) қатардағы және сержанттық құрамдар - елу жас;

2) офицерлік құрам - алпыс жас.»;

12) 26-бапта:

мынадай мазмұндағы 4-1-тармақпен толықтырылсын:

«4-1. Резервтегі әскери адамды әскери қызметтен шығару осы баптың 1-тармағының 1), 3), 4), 5), 7), 8) және 11) тармақшаларында, 2-тармағының бірінші бөлігінің 1), 2), 3), 4), 5), 9), 10) және 11) тармақшаларында, 3-тармағында көзделген негіздер бойынша (кәсіпкерлік және (немесе) кәсіптік қызметпен айналысу жағдайларын қоспағанда), сондай-ақ жасалған күніне қарамастан, осы Заңның 40-2-бабының 2-тармағында көрсетілген мәліметтер ұсынылмаған немесе бұрмаланған жағдайда жүргізіледі.»;

8-тармақта:

бірінші бөліктегі «енгізілген жағдайда, оның» деген сөздер «, дағдарыстық ахуал енгізілген жағдайда, олардың» деген сөздермен ауыстырылсын;

екінші бөлік «жағдайы» деген сөзден кейін «, дағдарыстық ахуал» деген сөздермен толықтырылсын;

13) 29-баптың 1-тармағының 4) тармақшасы «қызметке» деген сөзден кейін «, резервтегі әскери қызметке» деген сөздермен толықтырылсын;

14) 34-баптың 3-тармағы «бөлімдерге» деген сөзден кейін «(мекемелерге)» деген сөзбен толықтырылсын;

15) 37-бапта:

2-тармақтың бірінші абзацындағы «Келісімшарт» деген сөз «Әскери қызметті өткеру туралы келісімшарт» деген сөздермен ауыстырылсын;

3-тармақ «және» деген сөзден кейін «әскери қызметті өткеру туралы» деген сөздермен толықтырылсын;

4-тармақта:

бірінші сөйлем «азаматтың» деген сөзден кейін «әскери қызметті өткеру туралы» деген сөздермен толықтырылсын;

екінші сөйлемдегі «Келісімшарт» деген сөз «Әскери қызмет өткеру туралы келісімшарт» деген сөздермен ауыстырылсын;

5-тармақтың бірінші бөлігінің екінші сөйлемі «бойынша» деген сөзден кейін «әскери қызмет өткеретін» деген сөздермен толықтырылсын;

16) 38-бапта:

1-тармақтың бірінші бөлігінің 2) тармақшасында орыс тіліндегі мәтінге түзету енгізілді, қазақ тіліндегі мәтін өзгермейді;

2-тармақта:

бірінші бөлікте:

4) тармақшадағы «заңдарда» деген сөз «Қазақстан Республикасының заңдарында» деген сөздермен ауыстырылсын;

7) тармақша «қоспағанда,» деген сөзден кейін «келісімшарт бойынша» деген сөздермен толықтырылсын;

9) тармақшадағы «не» деген сөз «және (немесе)» деген сөздермен ауыстырылсын;

11) тармақшада:

бірінші бөлік «арнаулы мемлекеттік органдардан» деген сөздер «Қазақстан Республикасының арнаулы мемлекеттік органдарынан» деген сөздермен ауыстырылсын;

төртінші бөлік «органдарына» деген сөзден кейін «келісімшарт бойынша» деген сөздермен толықтырылсын;

екінші бөліктегі «Әскери» деген сөз «Келісімшарт бойынша әскери» деген сөздермен ауыстырылсын;

төртінші бөлік «болуы» деген сөзден кейін «келісімшарт бойынша» деген сөздермен толықтырылсын;

17) 39-баптың 1-тармағының төртінші бөлігі «және» деген сөзден кейін «әскери қызметті өткеру туралы» деген сөздермен толықтырылсын;

18) 40-бапта:

тақырыптағы «Келісімшарт» деген сөз «Әскери қызметті өткеру туралы келісімшарт» деген сөздермен ауыстырылсын;

1-тармақ 6) тармақшасындағы «толғанға дейін жасалады.» деген сөздер «толғанға дейін;» деген сөздермен ауыстырылып, мынадай мазмұндағы 7) тармақшамен толықтырылсын:

«7) резервтегі әскери адамдар үшін - үш жылға жасалады.»;

19) мынадай мазмұндағы 6-1-тараумен толықтырылсын:

«6-1-тарау. Резервтегі әскери қызмет

40-1-бап. Резервтегі әскери қызметті өткеру туралы келісімшарт

1. Резервтегі әскери қызметті өткеру туралы келісімшартты Қазақстан Республикасының азаматы Қарулы Күштердің, басқа да әскерлер мен әскери құралымдардың уәкілетті лауазымды адамымен жасасады.

2. Резервтегі әскери қызметті өткеру туралы келісімшарт ерікті түрде Қазақстан Республикасының заңнамасына сәйкес екі тарап арасында жазбаша жасалады және өзінің қолданысын:

1) мерзімінің өтуі бойынша;

2) әскери қызметшінің мерзімінен бұрын босатылуына байланысты;

3) әскери қызметші әскери қызметті өткеру туралы келісімшарт немесе резервтегі әскери қызметті өткеру туралы басқа келісімшарт жасасқан күннен бастап;

4) Қазақстан Республикасының заңнамасында белгіленген өзге де жағдайларда тоқтатады.

3. Резервтегі әскери қызметті өткеру туралы келісімшартта азаматтың әскери қызметке кіруінің еріктілігі, азаматтың әскери қызметті өткеруге міндеттенген мерзімі және резервтегі әскери қызметті өткерудің басқа да талаптары бекітіледі.

4. Резервтегі әскери қызметті өткеру туралы келісімшарттың талаптарында азаматтың резервтегі әскери қызметті өткеру көзделген мемлекеттік органның бірінші басшысы айқындаған мерзімдерде және тәртіппен әскери бөлімге (мекемеге) жауынгерлік даярлық бойынша сабақтарға немесе жиындарға және дағдарыстық ахуалдар кезіндегі жиындарға келу міндеті қамтылады.

Резервтегі әскери қызметті өткеру туралы келісімшарт талаптарында Қазақстан Республикасының заңнамасында белгіленген жеңілдіктер, кепілдіктер мен өтемақылар алуды қоса алғанда, азаматтың өз құқықтары мен өзінің отбасы мүшелері құқықтарының сақталу құқығы қамтылады.

40-2-бап. Резервтегі әскери қызметке кіретін адамдарға қойылатын талаптар

1. Резервтегі әскери қызметке кіретін адамдар мынадай талаптарға сай келуге тиіс:

1) Қазақстан Республикасы азаматтығының болуы;

2) қажетті жеке, моральдық және кәсіби қасиеттерінің, білім деңгейінің болуы, денсаулық жағдайы бойынша әскери қызметке жарамды болуы;

3) он сегіз жастан кіші болмауы және резервтегі әскери қызметте болудың шекті жасына дейін үш жыл қалуы;

4) әйелдерді қоспағанда, мерзімді әскери қызметті өткеруі не әскери кафедрада оқудан немесе әскери-техникалық мамандарды даярлау бойынша Қорғаныс министрлігінің мамандандырылған ұйымдарында әскери даярлықтан өтеулі негізде өтуі.

Резервтегі әскери қызметке кіретін адамдар әскери қызмет өткеруге байланысты Қазақстан Республикасының заңдарында белгіленген шектеулерді және «Сыбайлас жемқорлыққа қарсы іс-қимыл туралы» Қазақстан Республикасының Заңында белгіленген сыбайлас жемқорлыққа қарсы шектеулерді өзіне қабылдайды, олар жазбаша нысанда тіркеледі.

2. Резервтегі әскери қызметке:

1) сот әрекетке қабілетсіз немесе әрекет қабілеті шектеулі деп таныған;

2) медициналық (әскери-дәрігерлік) комиссия резервтегі әскери қызметке кіруге жарамсыз деп таныған;

3) сот белгілі бір мерзім ішінде мемлекеттік лауазымдарды атқару құқығынан айырған;

4) резервтегі әскери адамның әскери қызметте болуына байланысты Қазақстан Республикасының заңдарында белгіленген шектеулерді және «Сыбайлас жемқорлыққа қарсы іс-қимыл туралы» Қазақстан Республикасының Заңында белгіленген сыбайлас жемқорлыққа қарсы шектеулерді өзіне қабылдаудан бас тартқан;

5) қылмыс жасағаны үшін бұрын сотталған немесе Қазақстан Республикасы Қылмыстық-процестік кодексінің 35-бабы бірінші бөлігінің 3), 4), 9), 10) және 12) тармақтары немесе 36-бабы негізінде қылмыстық жауаптылықтан босатылған;

6) мемлекеттік қызметші ретінде активтері мен міндеттемелері туралы декларацияны ұсынбаған адамды жұмысқа қабылдағаны үшін алғаш рет әкімшілік жауаптылыққа тартылған жағдайды қоспағанда, резервтегі әскери қызметке кіргенге дейінгі үш жыл ішінде әкімшілік сыбайлас жемқорлық құқық бұзушылық жасағаны үшін әкімшілік жаза қолданылған;

7) психофизиологиялық зерттеуден және (немесе) медициналық куәландырудан өтпеген;

8) резервтегі әскери қызметке кірер алдындағы үш жыл ішінде қылмыстық теріс қылық жасағаны үшін өзіне қатысты соттың айыптау үкімі шыққан немесе қызметке кірер алдындағы үш жыл ішінде қылмыстық теріс қылық жасағаны үшін Қазақстан Республикасы Қылмыстық-процестік кодексінің 35-бабы бірінші бөлігінің 3), 4), 9), 10) және 12) тармақтары немесе 36-бабы негізінде қылмыстық жауаптылықтан босатылған;