1) биоматериал сынамаларын іріктеуді эпидемияға қарсы режим және ЖҚҚ пайдалану талаптарын сақтай отырып, денсаулық сақтау ұйымының оқытылған медицина қызметкері жүзеге асырады; 2) пациенттен алынған үлгі қоса берілген нысанға сәйкес ақпараттық жүйеде толтырылған жолдамамен сүйемелденеді және жолдаманы тиісті зертханаға жіберу қамтамасыз етіледі. Ақпараттық жүйе болмаған жағдайда зертханаға биоматериалмен бірге жіберіледі; 3) үлгіні сақтау, зертханаға тасымалдау осы қаулыға 33-қосымшаға сәйкес жүргізіледі; 4) тестілеу жүргізетін зертхана бастапқы тестіленуші адамдардан оң нәтиже анықталған жағдайда 2 сағат ішінде АД-ға және биоматериалды жіберген ұйымға телефон арқылы хабарлай отырып, беру уақыты, ақпаратты қабылдаған Т.А.Ә мен лауазымы журналға тіркеліп, кейіннен АД-ға 3 сағат ішінде оң нәтиже туралы хаттаманың көшірмесі беріледі; 5) зертхана биоматериалды жіберген ұйымға ПТР-ның нәтижесін 12 сағат ішінде хабарламамен электрондық пошта арқылы немесе курьер арқылы береді. МАЖ-ға ЗАЖ интеграцияланған жүйесі болған жағдайда зерттеу нәтижелері 2 сағат ішінде енгізіледі. 22. COVID-19 расталған диагнозбен байланыста болғандар арасындағы адамдар байланыс фактісі анықталған кезде және карантин аяқталғаннан кейін: 1) COVID-19 жаңа жағдайлары тіркелген кезінде АД мамандары жақын байланыста болған адамдардың шеңберін белгілейді. Байланыста болғандарды анықтау осы қаулыға 35-қосымшаға сәйкес жүргізіледі; 2) байланыста болған адамдарды тексеру үшін өтінім биоматериалды алу үшін ҰСО филиалына немесе медициналық ұйымға ұсынылады; 3) сынамаларды алу рәсімін жүргізу кезінде АД жауапты маманы зерттелетін барлық деректерді электрондық жолдамаға, ҰСО ақпараттық жүйесіне толтыра отырып, алынған материалды тіркеуді жүзеге асырады және СЭБК АД маманының жеке кабинетінен (http://lis.nce.kz/kkkbtu) немесе медициналық ақпараттық жүйеде тиісті зертхана жібереді және электрондық форматта ҰСО-ның тиісті зертханасына жібереді; 4) байланыста болған адамдардан алынған үлгі ұсынылған нысанға сәйкес жолдамамен сүйемелденеді; 5) үлгіні сақтау, зертханаға тасымалдау осы қаулыға 33-қосымшаға сәйкес жүргізіледі; 6) тестілеуге жататын контингентке тестілеу жүргізетін зертхана тестіленуші адамдарда оң нәтиже анықталған жағдайда 2 сағат ішінде аумақтық АД-ға телефон арқылы хабарлама беріп, журналға ақпарат қабылдаған адамның Т.А.Ә. және лауазымын белгілейді. Кейіннен АД-ға 3 сағат ішінде оң нәтиже туралы хаттаманың көшірмесі беріледі; 7) АД оң нәтиже хаттамасының көшірмесін алған кезде МСАК-қа хабарлайды және COVID-19 жаңа жағдайларының алгоритмі бойынша эпидемиологиялық тексеру жүргізеді; 8) зертхана зерттеу нәтижесін байланыста болған адамның тұрғылықты жері бойынша МСАК-қа немесе пациенттің хабарламамен электрондық пошта арқылы немесе курьер арқылы 12 сағат ішінде береді. Интеграцияланған ақпараттық жүйе болған жағдайда зерттеу нәтижелері 3 сағат ішінде енгізіледі.
II. Профилактикалық мақсатта тестілеуді ұйымдастыру
23. COVID-19 жұқтыру қаупі жоғары медицина қызметкерлері, медициналық-әлеуметтік мекемелер персоналы: 1) биоматериал сынамасын іріктеуді денсаулық сақтау ұйымының, медициналық-әлеуметтік мекеменің оқытылған медицина қызметкері және бекітілген тестілеу кестесіне сәйкес жүзеге асырады; 2) биоматериалдарды іріктеуді жүзеге асыратын медицина қызметкерлері эпидемияға қарсы режим талаптарын сақтайды және тиісті ЖҚҚ-ны пайдаланады; 3) пациенттен алынған үлгі ұсынылған нысанға сәйкес жолдамамен сүйемелденеді; 4) үлгіні сақтау, зертханаға тасымалдау осы қаулыға 33-қосымшаға сәйкес жүргізіледі; 5) тиісті контингентке тестілеу жүргізетін зертхана бастапқы тестіленуші адамдарда оң нәтиже анықталған жағдайда 2 сағат ішінде аумақтық АД-ға және биоматериалды телефон арқылы жіберген ұйымға ақпарат қабылдап алған адамның Т.А.Ә мен лауазымы журналға тіркеп, хабарлайды, кейіннен АД-ға оң нәтиже туралы хаттаманың көшірмесі 3 сағат ішінде беріледі; 6) зертхана биоматериалды жіберген ұйымға 12 сағат ішінде хабарлай отырып, электрондық пошта арқылы немесе курьер арқылы зерттеу хаттамасын береді. Интеграцияланған ақпараттық жүйе болған жағдайда зерттеу нәтижелері 3 сағат ішінде енгізіледі. 24. ҚР ҚМ, Ұлттық гвардия, ІІМ қарулы күштері қатарына шақырылушылар: 1) ведомстволық қызмет АД-ға әскерге шақырылушыларды медициналық тексеруден өткізу кестесін және күндер бойынша, бір апта, бір ай ішінде COVID-19 тестілеуге жататын адамдардың санын ұсынады; 2) әскерге шақырылушыларды тексеру әскери құралымға келген жері бойынша жиын пункттерінде және жас буында жүргізіледі. ПТР нәтижесін алғанға дейін жас толықтыру оқшаулауда болады; 3) биоматериал сынамаларын алуды эпидемияға қарсы режим мен ЖҚҚ-ны пайдалану талаптарын сақтай отырып, ведомстволық қызметтің оқытылған медицина қызметкері, сондай-ақ сынамаларды алу рәсімін жүргізу кезінде АД жауапты маманы алынған материалды тіркеуді жүзеге асырады, пациенттің барлық деректерін электрондық жолдамаға, ҰСО-ның ақпараттық жүйесіне толтыра отырып және тиісті зертханаға СЭБК маманының жеке кабинетінен (http://lis.nce.kz/kkkbtu) жібереді; 4) пациенттен алынған үлгі ұсынылған нысанға сәйкес жолдамамен сүйемелденеді; 5) үлгіні сақтау, зертханаға тасымалдау осы қаулыға 33-қосымшаға сәйкес жүргізіледі; 6) бастапқы тестіленуші адамдарда оң нәтиже анықталған жағдайда тиісті контингентке тестілеу жүргізетін зертхана 2 сағат ішінде биоматериал жіберген аумақтық АД-ға телефон арқылы хабарлайды, кейіннен АД-ға оң нәтиже туралы хаттаманың көшірмесі 3 сағат ішінде беріледі; 7) зертхана зерттеу нәтижесін жіберген биоматериалға 12 сағат ішінде хабарлаумен электрондық пошта арқылы немесе курьер арқылы береді. 25. Қазақстан Республикасына шетелден келетін адамдар: 1) биоматериал сынамаларын іріктеуді эпидемияға қарсы режим және ЖҚҚ пайдалану талаптарын сақтай отырып, денсаулық сақтау ұйымдарының оқытылған медицина қызметкері жүзеге асырады; 2) сынамаларды алу рәсімін жүргізу кезінде АД жауапты маманы алынған материалды тіркеуді жүзеге асырады, пациенттің барлық деректерін электрондық жолдамаға. ҰСО ақпараттық жүйесінде толтырады және тиісті зертханаға СЭБК маманының жеке кабинетінен http://lis.nce.kz/kkkbtu) жібереді; 3) сынамаларды алу рәсімін жүргізу кезінде АД жауапты маманы ақпараттық жүйеде болған жағдайда зерттелетін адам туралы барлық деректерді толтыра отырып, алынған материалды тіркеуді жүзеге асырады және жолдаманы тиісті зертханаға жіберуді қамтамасыз етеді; 4) пациенттен алынған үлгі ұсынылған нысанға сәйкес жолдамамен сүйемелденеді; 5) үлгіні сақтау, зертханаға тасымалдау осы қаулыға 33-қосымшаға сәйкес жүргізіледі; 6) тиісті контингентке тестілеу жүргізетін зертхана бастапқы тестіленуші адамдардан оң нәтиже анықталған жағдайда 2 сағат ішінде АД-ға және биоматериал жіберген ұйымға телефон арқылы ақпарат қабылдап алған адамның аты-жөні мен лауазымын тіркеу арқылы хабарлайды, кейіннен АД-ға 3 сағат ішінде оң нәтиже туралы хаттаманың көшірмесі беріледі; 7) зертхана зерттелетін адамға 24 сағат ішінде зерттеу хаттамасын береді.
III. Эпидемиологиялық қадағалау мақсатында тестілеуді ұйымдастыру
26. Медициналық-әлеуметтік және басқа да жабық мекемелерге (қарттар, мүгедектер үйлері, балалар үйлері және т.б.) жаңадан келіп түсетін қамқорлықтағылар: 1) биоматериал сынамаларын іріктеуді денсаулық сақтау ұйымының, медициналық-әлеуметтік және басқа да жабық мекемелердің оқытылған медицина қызметкері қамқорлыққа алынушының келіп түсуіне қарай жүзеге асырады; 2) биоматериалды іріктеуді жүзеге асыратын медицина қызметкерлері эпидемияға қарсы режим талаптарын сақтайды және тиісті ЖҚҚ-ны пайдаланады; 3) пациенттен алынған үлгі ұсынылған нысанға сәйкес жолдамамен сүйемелденеді; 4) үлгіні сақтау, зертханаға тасымалдау осы қаулыға 33-қосымшаға сәйкес жүргізіледі; 5) тиісті контингентке тестілеу жүргізетін зертхана бастапқы тестіленуші адамдардан оң нәтиже анықталған жағдайда 2 сағат ішінде аумақтық АД-ға және биоматериал жіберген ұйымға телефон арқылы хабарлай отырып, беру уақыты, ақпаратты қабылдаған Т.А.Ә. мен лауазымы журналына тіркеп, одан кейін АД-ға 3 сағат ішінде оң нәтиже туралы хаттаманың көшірмесі беріледі; 6) зертхана биоматериал жіберген ұйымға 12 сағат ішінде хабарлаумен электрондық пошта арқылы немесе курьер арқылы зерттеу хаттамасы беріледі. 27. Стационарға жоспарлы және шұғыл емдеуге жатқызу кезіндегі пациенттер, созылмалы бүйрек жеткіліксіздігі бар гемодиализдегі пациенттер: 1) биоматериал сынамаларын іріктеуді эпидемияға қарсы режим және ЖҚҚ пайдалану талаптарын сақтай отырып, денсаулық сақтау ұйымының оқытылған медицина қызметкері жүзеге асырады; 2) пациенттен алынған үлгі ұсынылған нысанға сәйкес ақпараттық жүйеде толтырылған жолдамамен сүйемелденеді және жолдаманы тиісті зертханаға жіберу қамтамасыз етіледі. Ақпараттық жүйе болмаған жағдайда зертханаға биоматериалмен бірге жіберіледі; 3) үлгіні сақтау, зертханаға тасымалдау осы қаулыға 33-қосымшаға сәйкес жүргізіледі; 4) тиісті контингентке тестілеу жүргізетін зертхана бастапқы тестіленуші адамдардан оң нәтиже анықталған жағдайда 2 сағат ішінде АД-ға және биоматериал жіберген ұйымға телефон арқылы ақпарат қабылдап алған адамның А.Т.Ә мен лауазымын тіркеу арқылы хабарлайды, кейіннен АД-ға 3 сағат ішінде оң нәтиже туралы хаттаманың көшірмесі беріледі; 5) зертхана биоматериалды жіберген ұйымға 12 сағат ішінде хабарлай отырып, электрондық пошта арқылы немесе курьер арқылы зерттеу хаттамасын береді. Интеграцияланған ақпараттық жүйе болған жағдайда зерттеу нәтижелері 3 сағат ішінде енгізіледі. 28. ҚАЖ мекемесіне түскен адамдар 1) биоматериал сынамасын алуды эпидемияға қарсы режим талаптарын және ЖҚҚ-ны пайдалануды сақтай отырып, оқытылған медицина қызметкері жүзеге асырады; 2) пациенттен алынған үлгі ұсынылған нысанға сәйкес жолдамамен сүйемелденеді; 3) үлгіні сақтау, зертханаға тасымалдау осы қаулыға 33-қосымшаға сәйкес жүргізіледі; 4) тиісті контингентке тестілеу жүргізетін зертхана бастапқы тестіленуші адамдарда оң нәтиже анықталған жағдайда 2 сағат ішінде АД-ға және биоматериалды жіберген ұйымға телефон арқылы хабарлайды, кейіннен АД-ға 3 сағат ішінде оң нәтиже туралы хаттаманың көшірмесі беріледі; 5) зертхана ҚАЖ-дың биоматериалын жіберген мекемесіне 12 сағат ішінде хабарлаумен электрондық пошта арқылы немесе курьер арқылы зерттеу хаттамасын береді. 29. COVID-19 зерттеу жүргізетін зертханаға ақылы негізде жүгінген адамдар: 1) биоматериал сынамаларын алуды эпидемияға қарсы режим талаптарын сақтай отырып және ЖҚҚ пайдалану зертханасының, мамандары жүзеге асырады; 2) ұсынылған нысанға сәйкес іріктеу жүргізілетін адамға жолдама ресімделеді; 3) ПТР әдісімен тестілеуді өткізетін зертхана оң нәтиже анықталған жағдайда 2 сағат ішінде АД-ны телефон арқылы хабардар етеді, кейіннен АД 3 сағат ішінде оң нәтиже туралы хаттама береді; 4) зертхана зерттелетін адамға 24 сағат ішінде зерттеу хаттамасын береді; 5) АД пациенттің тұрғылықты жері бойынша МСАК-қа хабарлайды.
IV. 2-бөлім. ПТР әдісімен COVID-19 зертханалық тексерудің оң нәтижесі болған жағдайлар туралы хабарлау
1. ПЦР әдісімен COVID-19 тестілеуді өткізуді жүзеге асыратын меншік нысанына қарамастан, зертханалар 2 сағат ішінде оң нәтиже туралы хаттаманың көшірмесін және АД және ДСБ ұсынылған нысан бойынша есепті ұсынуы тиіс. 2. АД-ы COVID-19 барлық жаңа жағдайларын есепке алуды және тіркеуді және аурудың нәтижесін тіркеуді жүргізеді. 3. Медициналық ұйым тексерген емделушілерде ПТР әдісімен COVID-19 зертханалық зерттеудің оң нәтижесі анықталған жағдайда тестілеуді өткізген зертхана 2 сағат ішінде АД-ға және биоматериалды жіберген медициналық ұйымға (бұдан әрі - медициналық ұйым) ақпаратты қабылдаған адамның Т.А.Ә. мен лауазымын беру уақыты журналына тіркеп, телефон арқылы хабарлайды. 4. Медициналық ұйым ПТР әдісімен COVID-19 зерттеулерінің оң нәтижесі туралы зертханадан ақпарат алғаннан кейін 2 сағат ішінде АД және ДСБ аумақтық бөлімшесін хабардар етеді. 5. АД 2 сағат ішінде ҚДСҰО-ның жедел штабына және ЖАО-ға хабарлайды. 6. ҚДСҰО-ның жедел штабы 2 сағат ішінде өңірлер бөлігінде ақпарат жинағын жүргізеді және СЭБК мен ДСМ-ге хабарлайды. 7. АД және ДСБ деректерді салыстыру мақсатында өзара ақпарат алмасуды жүзеге асырады. 8. Сынамаларды алу рәсімін жүргізу кезінде АД жауапты маманы барлық деректерді және пациенттің электрондық жолдамасын ҰСО ақпараттық жүйесінде толтыра отырып, алынған материалды тіркеуді жүзеге асырады және СЭБК маманының жеке кабинетінен тиісті зертханаға жібереді (http://lis.nce.kz/kkkbtu);
ПТР реал-тайм әдісімен COVID-19 зертханалық зерттеуге жолдама
Бас мемлекеттік санитариялық дәрігерінің 2022 жылғы 21 ақпандағы № 6-Қ қаулысының 54 қосымшасы
COVID-19-ға тестілеу алгоритмі I. SARS-CoV-2 коронавирус антигендерін анықтау үшін иммунохроматография әдісімен экспресс-тестілеу алгоритмі
1. Жалпы ережелер
1.1 Диагностикалық экспресс-тесттер (бұдан әрі - ДЭТ) - бұл зертханалық инфрақұрылымды және қымбат бағалы жабдықты қажет етпейтін қарапайым пайдаланылатын экспресс-тесттер. SARS-CoV-2 вирусына ДЭТ-ның екі түрі бар: SARS-СоV-2 вирусының антигенін (дерін) тікелей анықтайтын антигендерге (АГ) арналған тесттер және иммундық жүйенің вирустық инфекциясы кезінде пайда болатын антиденелердің бір немесе бірнеше түрін анықтайтын антиденелерге (АД) арналған тесттер. 1.1.1. Антигендерді анықтайтын ДЭТ (бұдан әрі - АГ-ДЭТ). АГ-ДЭТ SARS-CoV-2 вирусының антигендерін, көбінесе осы тіндерде вирустың репликациясы кезінде тыныс алу жолдарының секрециясында кездесетін нуклеокапсид ақуызын тікелей анықтайды. АГ-ДЭТ-тің дұрыстығы бірнеше факторларға, оның ішінде инфекцияның басталу уақытына, үлгідегі вирустың концентрациясына, алынған үлгінің сапасы мен өңделуіне және тест-жиынтығындағы реагенттердің нақты құрамына байланысты. COVID-19-ға арналған АГ-ДЭТ көбінесе вирустық жүктеме көп болған кезде және пациенттердің ең жұқпалы кезеңінде - әдетте белгілер пайда болғанға дейін 1-3 күн және олар пайда болғаннан кейін 5-7 күн ішінде оң нәтиже береді; пациент инфекциядан арылып, қалпына келген сайын нәтижелер теріс болады. Вирустың жүктеме АГ-ДЭТ анықтау шегінен төмен түссе (ол әдетте шекті 2ПТР шекті циклі < 30-35 цикл мәндеріне сәйкес келеді), АГ-ДЭТ жалған теріс нәтижелер бере алады. 1.1.2. Антиденелерді анықтайтын ДЭТ (бұдан әрі - АД-ДЭТ). АД-ДЭТ организмнің вирусқа иммундық реакциясының бөлігі ретінде пайда болатын антиденелерді анықтайды. Бұл тесттер инфекция жұқтырғаннан кейін 15-21 күн аралығында өте дәл болады. SARS-CoV-2 вирусының антиденелік реакциясын түсіну әлі де дамып келе жатқандықтан, ДДҰ-ы белсенді инфекцияны емдеу және байланыста болған адамдарды қадағалауды анықтау үшін антиденелер тесттерін пайдалануды ұсынбайды. АД-ДЭТ нәтижелерін түсіндіруді сарапшы жүргізуі тиіс және бірнеше факторларға, оның ішінде аурудың мерзіміне, клиникалық көрінісіне, эпидемиологиясына және белгілі бір ортадағы инфекцияның таралуына, қолданылатын тест түріне, валидация әдісіне және нәтижелердің сенімділігіне байланысты болады. Антиденелерді тексеру жалғасып жатқан індетті тергеп-тексеру кезінде популяцияның антиденелік иммунитетін зерттеу үшін және инфекцияның таралу қарқыны мен өршу масштабын ретроспективті бағалау үшін пайдалы болуы мүмкін. 1.2 SARS-CoV-2 коронавирусының антигендерін анықтауға арналған материал - бұл жоғарғы тыныс алу жолдарының материалы (мұрын немесе назофаринс тампоны) немесе сілекей үлгілері болып табылады; 1.3 АГ-ДЭТ қолданудың ең жақсы нәтижелері аурудың бастапқы кезеңінде вирустық жүктемесі жоғары пациенттерде байқалады және олардың сенімділігі ≥ 5% деңгейінде SARS-CoV-2 ауруы бар аудандарда анағұрлым жоғары. Инфекцияның төмен жылдамдығымен немесе берілуінің болмауымен сипатталатын аудандарда АГ-ДЭТ оң нәтижесінің болжамды құндылығы төмен болады; мұндай аудандарда АГ-ДЭТ оң нәтижелерін бірінші кезекті тестілеуді өткізу немесе растау үшін ПТР қолдану ұсынылады. 1.4. ПТР референс тестімен салыстыру арқылы айқындалған ≥ 80% сезімталдықтың және ≥ 97% ерекшеліктің ең аз сипаттамаларына жауап беретін АГ-ДЭТ пайдаланылады. АГ-ДЭТ вирустың үздіксіз жаппай таралуы бар аудандарда (оң тест нәтижелерінің ≥ 5%) пайдаланылады. Инфекцияның төмен жылдамдығымен немесе берілмеуімен сипатталатын аудандарда тестілеу немесе АГ-ДЭТ оң нәтижелерін растау ПТР қолдану ұсынылады. 1.5 Оңтайлы нәтижелерге қол жеткізу мақсатында АГ-ДЭТ пайдалана отырып тестілеуді оқытылған маман орындайды. 1.6 ЭТ пайдаланып скринингтен өткен пациенттерде бақылау тестілеуі үшін ПТР пайдаланып зерттеуді тағайындау кезінде материалдың үлгілерін 2 күннен аспайтын аралықпен алу жүзеге асырылады. 2. Экспресс тестілеу мынадай санаттарға қолданылады: 2.1 Инфекция (өршу) ошақтарында жаппай тестілеу үшін ұйымдасқан ұжымдарда және жабық мекемелерде (мектептер, балабақшалар, балалар лагерлері, көрмелер, полиция, қарулы күштер, қамау орындары, қарттар үйлері, жатақханалар және т.б.). Аурудың өршуі кезінде ұжымдарда, әсіресе үздіксіз жұмыс істейтін ұйымдардың қызметкерлері мен денсаулық сақтау қызметкерлері арасында сырқаттанушылық серпінін мониторингтеу кезінде. 2.2 Пациенттерді COVID-19-ды жоққа шығармайтын белгілері бар адамдарда шұғыл емдеуге жатқызу кезінде; 2.3 ПТР тестілеуге қолжетімділік жоқ шалғай елді мекендерде. 3. Экспресс тестілеу: 3.1 стационарда төсек жанындағы тестілеу кезінде (РОСТ); 3.2 биологиялық қауіпсіздіктің тиісті шараларын және сақтау шарттарын қамтамасыз ете отырып, арнайы бөлінген және жарақтандырылған автомобильдерде; 3.3 жедел медициналық жәрдем бригадалары немесе жылжымалы мобильді бригадалар үйде, мектептерде, балабақшаларда, балалар лагерлерінде, көрмелерде, полиция басқармаларында, Қарулы Күштер бөлімдерінде, қамау орындарында, қарттар үйлерінде, жатақханаларда, кәсіпорындарда және т.б.; 3.4 мамандандырылған шатырларда (кабинеттерде) немесе қоршаудың мобильді пункттерінде (алғашқы көмек немесе биологиялық материалды алудың мобильді пункті); 3.5 арнайы бөлінген және жабдықталған биоматериал жинау пункттерінде орындалады. 4. Экспресс тестілеу: 4.1. Симптомдары жоқ адамдарда (адам расталған жағдаймен байланыста болған жағдайларды қоспағанда); 4.2. Жағдайлар болмаған кезде немесе олар сирек кездесетін кезде; 4.3. Тест нәтижесі пациентті басқаруға және/немесе COVID-19-мен күресу шараларын қабылдауға әсер етпеген кезде; 4.4. Әуежайларда немесе шекарадан кесіп өтудің басқа пункттерінде немесе сапар алдында скрининг жүргізу кезінде (егер АГ-ДЭТ-тің барлық оң нәтижелері МАНК көмегімен расталмаса); 4.5. Қан донорлығы және жоспарлы емдеуге жатқызу алдында скрининг кезінде қолданылмайды.
5. Биоматериалдың сынамаларын алуға және тестілеуді өткізуге арналған құралдар мен материалдар: 5.1 экспресс-тест (компоненттер пайдаланылатын жиынтыққа байланысты ерекшеленуі мүмкін), оның ішінде ампуладағы экстракциялық буфер, үлгіні алуға арналған шыны түтікше, дозатор-қақпақ, стерильді тампондар, штатив; 5.2 секундомер 5.3 жұмыс үстелі 5.4 ашылғаннан кейін экспресс-тест 1 сағат ішінде қолданылады. Экспресс тестілеудің жалған нәтижелерін алуды болдырмау үшін диагностикалық процесті экспресс тест реагенттерінің жиынтығына арналған өндірушінің нұсқаулығына сәйкес үй-жайдың температурасы мен ылғалдылығы кезінде жүргізген дұрыс. 5.5 SARS CoV2 вирусының антигендеріне иммунохроматографиялық әдіспен экспресс тестілеуге арналған реагенттер жиынтығы бөлме температурасында немесе 2-4°С тоңазытқышта сақталады (реагентті сақтау жөніндегі ұсынымдармен нұсқаулықта танысуға болады). Мұздатып қатыруға болмайды (тесттің жалған теріс нәтижелерін алуды болдырмау үшін)!!! 5.6 егер экспресс тестілеуге арналған реагенттер жиынтығы тоңазытқышта сақталған жағдайда, зерттеу алдында жинақты бөлме температурасында 1 сағат ұстау қажет.
6. Материалды алу және тестті экспресс әдіспен орындау (қолданылатын экспресс-тестке байланысты): 6.1 Биоматериалдың сынамаларын алуды эпидемияға қарсы режим талаптарын сақтай отырып, денсаулық сақтау ұйымының (санитариялық-эпидемиологиялық қызметтің, МСАК, стационарлар қызметкерлерінің) медицина қызметкері жүзеге асырады; 6.2 Материалды жинау кезінде ЖҚҚ пайдаланылады; 6.3 Жағындылардың үлгілері тестіленушінің орналасқан жері бойынша (үйде, медициналық ұйымда, стационарларда, жұмыс, оқу, қызмет орны бойынша және т.б.) синтетикалық материалдан жасалған жасанды аппликаторы бар стерильді тампонның көмегімен (мысалы: полиэстер немесе дакрон) пластикалық стерженмен алынады; 6.4 Биоматериал сынамаларын әрбір алу алдында медицина қызметкері қолды жуудың бекітілген алгоритміне сәйкес мұқият жуады және таза бір рет қолданылатын қолғап киеді, алу ЖҚҚ-да жүзеге асырылады; 6.5 Материалды алу алдында медицина қызметкері тестті орындау үшін қажетті құралдар мен материалдарды дайындайды; 6.6 Персонал бетіне мөлдір қорғаныш экранын киюі тиіс, өйткені пациенттің мұрын-жұтқыншағынан сынама алу кезінде рефлекторлық түшкіру немесе жөтел болуы мүмкін; 6.7 Үлгілерді жинау үшін шыны түтікшелерді штативке салыңыз. Сынамаларды алу үшін әрбір шыны түтікшеге экстракциялық буфер қосу (реагенттер жиынтығына нұсқаулықта көрсетілген енгізілетін буфер саны); 6.8 Жиынтықтың құрамына кіретін тампонмен ДДҰ-ның 2020 жылғы 11 қыркүйектегі «SARS-CoV-2 вирусын анықтауға арналған диагностикалық тестілеу» уақытша ұсынымдарына сәйкес мұрын-жұтқыншақтан жағынды алу (тампон үлгісіндегі қан немесе артық шырыш тест өткізуге кедергі келтіруі және валидациясыз нәтижеге әкелуі мүмкін); 6.9 Үлгі бар тампонды алуға арналған шыны түтікшеге салыңыз. Антигенді босату үшін басын шыны түтікшенің ішкі қабырғасына тигізіп, тампонды 10 секунд бұраңыз (сынамалар бар тампондарды жинағаннан кейін мүмкіндігінше тезірек салыңыз), тампонды экстракция түтігінде 1 минут қалдырыңыз (Ескертпе: егер тез арада тестілеу мүмкін болмаса, мұрын-жұтқыншақтың жағындысын пациент туралы ақпарат, жағынды, алу уақыты және тығыз жабылған таза пайдаланылмаған шыны түтікшеге салған дұрыс. Үлгіні алғаннан кейін 1 сағатқа дейін бөлме температурасында (19-24°С) сақтаңыз. Егер сынама жинау мен экспресс-тестілеу арасындағы кідіріс 1 сағаттан асса, сынама кәдеге жаратылады. Тестілеу үшін қайтадан жаңа үлгі алу керек);
6.10 Мүмкіндігінше сұйықтықты кетіру үшін тампонның басын шыны түтікшенің ішкі қабырғасына басып, тампонды алыңыз. Қолданғаннан кейін тампонды биологиялық қауіпті қалдықтарды жою туралы хаттамаға сәйкес тастаңыз; 6.11 Сынама алуға арналған шыны түтікшеге дозатор-қақпақты орнату; 6.12 Герметикалық қаптамадан сынақ кассетасын алу және оны бір сағат ішінде пайдалану. Жақсы нәтижеге қол жеткізу үшін, қалтаманы ашқаннан кейін тестті бірден жасаңыз (салқын жерде сақтаған кезде, тест алдында кассетаны бөлме температурасына дейін жеткізіңіз); 6.13 Сынамасы бар шыны түтікшені төңкеріп, зерттелетін сынаманың бірнеше тамшысын (енгізілген тамшылардың саны экспресс-тест жинағына арналған нұсқаулықта белгіленген) S саңылауына қосу; 6.14 Экспресс тестке арналған нұсқаулықта белгіленген инкубация уақытына секундомерді қосу (әртүрлі экспресс тест өндірушілерінің өзіндік белгіленген инкубация уақыты бар). 6.15 Инкубацияны бөлме температурасында жүзеге асыру; Инкубация уақытынан асатын нәтижелерді түсіндіру ұсынылмайды. Түсті сызық пайда болғанша күтіңіз (және).
6.16 Нәтижелерді түсіндіру: егер тест дұрыс орындалған болса, нәтижелер терезесінде түрлі-түсті жолақ С қалпында бақылау сызығы түрінде көрсетіледі. Вирус антигені Т қалпында анықталғанда түрлі-түсті жолақ пайда болады. Оң нәтиже: Нәтижелер терезесінде 2 көрінетін сызық пайда болады. Т аймағындағы сызық үлгіде SARS-CoV-2 антигенінің бар екенін көрсетеді. Тест сызығы аймағындағы түс қарқындылығы (Т) үлгінің құрамындағы антиген мөлшеріне байланысты өзгереді. Сондықтан тест сызығындағы кез келген түс реңін (Т) оң нәтиже ретінде қарастыру керек.
Доступ к документам и консультации
от ведущих специалистов |