«Қазақстан Республикасының Премьер-Министрi Кеңсесінің «Алмас» республикалық мемлекеттік қазыналық кәсіпорнын құру туралы» Қазақстан Республикасы Үкіметінің 2001 ж. 22 маусымдағы № 851 қаулысы (2011.30.12. берілген өзгерістер мен толықтырулармен)

Қазақстан Республикасының Премьер-Министрi Кеңсесінің «Алмас» республикалық мемлекеттік қазыналық кәсіпорнын құру туралы
 Қазақстан Республикасы Үкіметінің 2001 ж. 22 маусымдағы № 851 қаулысы

(2011.30.12. берілген өзгерістер мен толықтырулармен)

ҚР Үкіметінің 20.09.02 ж. № 1036 Қаулысымен тақырыбы өзгертілді

ҚР Үкіметінің 2011.30.12. № 1717 Қаулысымен кіріспе жаңа редакцияда (бұр.ред.қара)

Қазақстан Республикасының Үкіметі ҚАУЛЫ ЕТЕДІ:

ҚР Үкіметінің 20.09.02 ж. № 1036 Қаулысымен 1-тармақ өзгертілді

1. Қазақстан Республикасының Премьер-Министрi Кеңсесінің жедел басқару құқығында «Алмас» республикалық мемлекеттік қазыналық кәсіпорны (бұдан әрі - Кәсіпорын) құрылсын.

ҚР Үкіметінің 20.09.02 ж. № 1036 Қаулысымен 2-тармақ өзгертілді

2. Қазақстан Республикасы Премьер-Министрінің Кеңсесi Кәсіпорынды мемлекеттік басқару органы болып белгіленсін.

ҚР Үкіметінің 2011.30.12. № 1717 Қаулысымен 3-тармақ өзгертілді (бұр.ред.қара)

3. Кәсіпорын қызметінің негізгі мәні болып мыналар белгіленсін:

1) мемлекеттік құпияларды қорғау саласында қызметтер көрсету;

2) ақпаратты қорғау саласында мамандар даярлауды, қайта даярлауды және олардың біліктілігін арттыруды ұйымдастыру;

3) осы қаулының қосымшасына сәйкес мамандандырылған баспаханада мемлекеттік органдар мен ұйымдар үшін өте құпия және құпия құжаттар, кітаптар, нұсқаулықтар, брошюралар, бюллетендер, журналдар мен басқа да басылымдар (арнайы баспа өнімдері) және «Қызмет бабында пайдалану үшін» белгісі бар таралымы шектеулі баспа өнімдерін әзірлеу.

ҚР Үкіметінің 2011.30.12. № 1717 Қаулысымен 3-1-тармақпен толықтырылды

3-1. Қызмет бабында пайдалану үшін.

4. ҚР Үкіметінің 20.09.02 ж. № 1036 Қаулысымен алынып тасталды

5. ҚР Үкіметінің 20.09.02 ж. № 1036 Қаулысымен алынып тасталды

6. Осы қаулы қол қойылған күнінен бастап күшіне енеді.

Қазақстан Республикасының

Премьер-Министрі

ҚР Үкіметінің 2011.30.12. № 1717 Қаулысымен қосымшамен толықтырылды

Қазақстан Республикасы

Үкіметінің

2001 жылғы 22 маусымдағы

№ 851 қаулысына

қосымша

Қазақстан Республикасының Премьер-Министрі Кеңсесінің «Алмас» республикалық мелекеттік қазыналық кәсіпорнының мамандандырылған баспаханасының баспа өнімдері түрлерінің (өте құпия және құпия (арнайы баспа өнімдерінің) және «Қызмет бабында пайдалану үшін» белгісі бар таралымы шектеулі баспа өнімдерінің)

ТІЗБЕСІ

1. Қатты және жұмсақ түптелген (нөмірленген) кітап басылымдары (кітаптар).

2. Брошюралар (бюллетень) (нөмірленген).

3. Есептік құжаттамалардың нысандары (журналдар, анықтамалар, есепке алу карточкалары, жүкқұжаттар және басқалар).

4. Блокноттар, «Қызмет бабында пайдалану үшін» белгісі бар телефон анықтамалықтары (нөмірленген).

5. Конверттер, «крафт» конверттер, құпия хат-хабарды жөнелтуге арналған логотипі бар конверттер.

6. Қазақстан Республикасының Мемлекеттік Елтаңбасы бейнеленген бланкілер.

Ескертпе: Мамандандырылған баспахана басқа құпия емес баспа өнімдерін арнайы баспа өнімдерінен бөлек Қазақстан Республикасының заңнамасында белгіленген тәртіппен жасалған тиісті шарттар негізінде дайындауы мүмкін. Мамандандырылған баспаханада құпия құжаттарды есепке алу және құпиялылық режимі Қазақстан Республикасында құпиялылық режимін қамтамасыз ету жөніндегі нұсқаулықтың талаптарына сәйкес жүзеге асырылады.