Темекі өнімдерінің өндірілуі мен айналымын мемлекеттік реттеу туралы Қазақстан Республикасының 2003 жылғы 12 маусымдағы № 439-ІІ Заңы (2024.01.09. берілген өзгерістер мен толықтыруларымен)

Темекi өнiмдерiнiң өндiрiлуi мен айналымын мемлекеттік реттеу туралы
Қазақстан Республикасының 2003 жылғы 12 маусымдағы № 439-ІІ Заңы

(2024.01.09. берілген өзгерістер мен толықтыруларымен)

1-бап. Осы Заңда пайдаланылатын негiзгi ұғымдар

2-бап. Қазақстан Республикасының темекi өнiмдерiнiң өндiрiлуi мен айналымын мемлекеттiк реттеу туралы заңдары

3-бап. Темекi өнiмдерiнiң өндiрiлуi мен айналымын мемлекеттiк реттеу

4-бап. Қазақстан Республикасы Үкiметiнiң құзыретi

5-бап. Уәкiлеттi органның құзыретi

6-бап. Темекi өнiмдерiнiң өндiрiлу жағдайларының ерекшелiктерi

7-бап. Өндiрiс паспортына енгiзiлетiн мәлiметтер

8-бап. Темекi өнiмдерiнiң өндiрiлуi мен айналымының мониторингi және оны декларациялау

9-бап. Темекi өнiмдерiн өндiру жөнiндегi қызметтi лицензиялау

10-бап. Лицензияның қолданылуын тоқтата тұру және одан айыру

11-бап. Темекi өнiмдерiн өткiзу

12-бап. Темекi өнiмдерiнiң импортын реттеу

13-бап. Қазақстан Республикасының темекi өнiмдерiнiң өндiрiлуi мен айналымын мемлекеттiк реттеу туралы заңдарын бұзғаны үшiн жауаптылық

14-бап. Осы Заңды қолданысқа енгізу тәртібі

Осы Заң темекi өнiмдерiнiң өндiрiлуi мен айналымы процесiнде туындайтын қоғамдық қатынастарды реттейдi.

1-бап. Осы Заңда пайдаланылатын негiзгi ұғымдар

Осы Заңда мынадай негiзгi ұғымдар пайдаланылады:

1) 2021.31.12. № 100-VII ҚР Заңымен алып тасталды (2022 ж. 1 қаңтардан бастап қолданысқа енгізілді) (бұр. ред. қара)

1-1) 2024.06.04. № 71-VIII ҚР Заңымен алып тасталды (2024 ж. 8 маусымнан бастап қолданысқа енгізілді) (бұр. ред. қара)

1-2) 2021.05.01. № 407-VI ҚР Заңымен алып тасталды (2020 ж. 1 қаңтардан бастап қолданысқа енгізілді) (бұр. ред. қара)

2016.30.11. № 26-VI ҚР Заңымен 1-3) тармақша жаңа редакцияда (2017 ж. 1 қаңтардан бастап қолданысқа енгізілді) (бұр. ред. қара)

1-3) қорап - картоннан немесе қағаздан немесе өзге де материалдан жасалған, темекi өнiмiнiң белгiлi саны бар тұтыну ыдысының бiрлiгi;

2016.30.11. № 26-VI ҚР Заңымен 1-4) тармақша жаңа редакцияда (2017 ж. 1 қаңтардан бастап қолданысқа енгізілді) (бұр. ред. қара)

1-4) орам - белгiлi қорап саны бар топтап тұтыну ыдысының бiрлiгi;

1-5) 2024.06.04. № 71-VIII ҚР Заңымен алып тасталды (2024 ж. 8 маусымнан бастап қолданысқа енгізілді) (бұр. ред. қара)

2016.30.11. № 26-VI ҚР Заңымен 1-6) тармақшамен толықтырылды (2017 ж. 1 қаңтардан бастап қолданысқа енгізілді); 2021.31.12. № 100-VII ҚР Заңымен 1-6) тармақша жаңа редакцияда (2022 ж. 1 қаңтардан бастап қолданысқа енгізілді) (бұр. ред. қара)

1-6) сәйкестендіру құралы - штрих код түрінде ұсынылған немесе радиожиілік белгісіне жазылған немесе автоматты түрде сәйкестендірудің өзге құралы (технологиясы) пайдаланыла отырып ұсынылған, машинамен оқылатын нысандағы символдардың бірегей тізбегі;

2021.31.12. № 100-VII ҚР Заңымен 1-7) тармақшамен толықтырылды (2022 ж. 1 қаңтардан бастап қолданысқа енгізілді)

1-7) таңбалау - тұтынушыға арналған ақпаратты құрайтын және қорабы мен орамындағы мәтiн, шартты белгi және суреттер;

 2) темекi өнiмдерiнiң айналымы - темекi өнiмдерiн экспорттау, импорттау, сақтау, көтерме және бөлшек саудамен өткізу;

3) темекi өнiмдерiн көтерме саудамен өткізу - темекi өнiмдерiн одан әрi қайта сату үшiн өткізу (жөнелту);

4) өндiрiс паспорты - темекi өнiмдерiн өндiрушiнiң өндiрiстiк қуаттарының көрсеткiштерiн, өндiрiстiң технологиялық процесiн сақтау үшiн қолда бар жабдықтарды пайдалануды реттейтiн оның негізгі сипаттамаларын көрсететiн құжат;

5) темекi өнiмдерiн өндiрушi - сату үшiн темекi өнiмдерiн өндiретiн жеке немесе заңды тұлға;

2015.03.12. № 432-V ҚР Заңымен 5-1) тармақшамен толықтырылды (2016 ж. 1 шілдеден бастап қолданысқа енгізілді); 2021.05.01. № 407-VI ҚР Заңымен 5-1) тармақша жаңа редакцияда (2020 ж. 1 қаңтардан бастап қолданысқа енгізілді) (бұр. ред. қара)

5-1) тауарларға ілеспе жүкқұжат - темекі өнімдерінің орын ауыстыруын бақылауға арналған құжат;

2018.05.10. № 184-VІ ҚР Заңымен 6) тармақша жаңа редакцияда (2019 ж. 11 сәуірден бастап қолданысқа енгізілді) (бұр. ред. қара)

6) темекі өнімдерінің өндірісі - стандарттау жөніндегі құжаттарға сәйкес келетін темекі өнімдерін дайындауды қамтамасыз ететін технологиялық процестер жиынтығы;

2006.11.12. № 201-III ҚР Заңымен 7) тармақша жаңа редакцияда (2007.01.01. бастап қолданысқа енгізілді) (бұр. ред. қара); 2016.30.11. № 26-VI ҚР Заңымен (2017 ж. 1 қаңтардан бастап қолданысқа енгізілді) (бұр. ред. қара); 2020.07.07. № 361-VI ҚР Заңымен (бұр. ред. қара) 7) тармақша жаңа редакцияда

7) темекi өнімдері - шегу, сору, шайнау, иіскеу немесе тұтынудың өзге де тәсілдері үшін, оның ішінде темекіні қыздыруға арналған жүйелердің немесе кез келген өзге де аспаптың көмегімен пайдаланылатындай етіп дайындалған шикізат ретінде темекі жапырағынан және (немесе) темекі өсімдігінің басқа бөліктерінен толығымен немесе ішінара жасалған өнімдер;

2006.11.12. № 201-III ҚР Заңымен 7-1) және 7-2) тармақшалармен толықтырылды (2007.01.01. бастап қолданысқа енгізілді)

7-1) фильтрлі сигареттер - кесілген темекіден жасалған, фильтр қолданыла отырып, сигарет қағазымен оралған, шегуге арналған темекі өнімдерінің бір түрі;

7-2) фильтрсіз сигареттер - кесілген темекіден жасалған, фильтрдің қолданылуынсыз сигарет қағазымен оралған, шегуге арналған темекі өнімдерінің бір түрі;

8) уәкiлеттi орган - темекi өнiмдерiнiң өндiрiлуi мен айналымын мемлекеттік бақылауды және реттеудi жүзеге асыратын мемлекеттік орган.

2-бап. Қазақстан Республикасының темекi өнiмдерiнiң өндiрiлуi мен айналымын мемлекеттік реттеу туралы заңдары

1. Қазақстан Республикасының темекi өнiмдерiнiң өндiрiлуi мен айналымын мемлекеттік реттеу туралы заңдары Қазақстан Республикасының Конституциясына негiзделедi және осы Заң мен Қазақстан Республикасының темекi өнiмдерiнiң өндiрiлуi мен айналымына байланысты қатынастарды реттейтiн өзге де нормативтiк құқықтық актілерінен тұрады.

2024.01.07. № 107-VIII ҚР Заңымен 1-1-тармақпен толықтырылды (2024 ж. 1 қыркүйектен бастап қолданысқа енгізілді)

1-1. Темекі өнімдерінің өндірілуі мен айналымы субъектілерінің қызметін мемлекеттік реттеу және бақылау темекі өнімдерінің өндірілуі мен айналымын мемлекеттік реттеу саласындағы реттеудің мақсаттары болып табылады.

2. Егер Қазақстан Республикасы бекiткен халықаралық шартта осы Заңдағыдан өзгеше ережелер белгiленген болса, онда халықаралық шарттың ережелерi қолданылады.

3-бап. Темекi өнiмдерiнiң өндiрiлуi мен айналымын мемлекеттік реттеу

2011.05.07. № 452-IV ҚР Заңымен 1-тармақ өзгертілді (алғашқы ресми жарияланғанынан кейін үш ай өткен соң қолданысқа енгізілді) (бұр. ред. қара)

1. Темекi өнiмдерiнiң өндiрiлуi мен айналымын мемлекеттік реттеудi Қазақстан Республикасының Президенті, Қазақстан Республикасының Үкіметі, уәкiлеттi орган, сондай-ақ Қазақстан Республикасының заңдарымен белгiленген өз құзыретi шегiнде өзге де мемлекеттік органдар жүзеге асырады.

2024.01.07. № 107-VIII ҚР Заңымен 1-1-тармақпен толықтырылды (2024 ж. 1 қыркүйектен бастап қолданысқа енгізілді)

1-1. Темекі өнімдерінің өндірілуі мен айналымын мемлекеттік реттеу саласындағы реттеу:

1) темекі өнімдерінің өндірілуі мен айналымын мемлекеттік реттеуді жүзеге асыру кезіндегі заңдылық;

2) Қазақстан Республикасының заңнамасына, техникалық регламенттерге, санитариялық-эпидемиологиялық және гигиеналық талаптарға сәйкес темекі өнімдерінің өндірілуі мен айналымын мемлекеттік реттеуді жүзеге асыру кезіндегі негізділік;

3) темекі өнімдерінің өндірілуі мен айналымын мемлекеттік реттеуді жүзеге асыру кезіндегі объективтілік пен ашықтық қағидаттарына негізделеді.

2024.01.07. № 107-VIII ҚР Заңымен 1-2-тармақпен толықтырылды (2024 ж. 1 қыркүйектен бастап қолданысқа енгізілді)

1-2. Темекі өнімдерінің өндірілуі мен айналымын мемлекеттік реттеу саласындағы реттеудің міндеттері:

1) экономикалық мүдделерді және халықтың денсаулығын қорғау;

2) Қазақстан Республикасында өндірілетін және оған әкелінетін темекі өнімдерінің сапасын арттыру үшін жағдайлар жасау;

3) Қазақстан Республикасының темекі өнімдерінің өндірілуі мен айналымын мемлекеттік реттеу туралы заңнамасының сақталуын қамтамасыз ету болып табылады.

2. Темекi өнiмдерiнiң өндiрiлуi мен айналымын мемлекеттік реттеу:

1) темекi өнiмдерiн өндiру жөніндегі қызметтi лицензиялауды;

2) темекi өнiмдерiнiң импортын реттеудi;

2006.11.12. № 201-III ҚР Заңымен 3) тармақша өзгертілді (2007.01.01. бастап қолданысқа енгізілді) (бұр. ред. қара)

3) темекi өнiмдерiнiң өндiрiлуi мен айналымына мониторингтi жүзеге асыру және декларациялау тәртібін белгiлеу арқылы бақылау жасауды;

2006.11.12. № 201-III ҚР Заңымен 4) тармақшамен толықтырылды (2007.01.01. бастап қолданысқа енгізілді); 2016.30.11. № 26-VI ҚР Заңымен (2017 ж. 1 қаңтардан бастап қолданысқа енгізілді) (бұр. ред. қара); 2021.30.12. № 95-VII ҚР Заңымен (2022 ж. 2 наурыздан бастап қолданысқа енгізілді) (бұр. ред. қара) 4) тармақша жаңа редакцияда

4) фильтрлі, фильтрсіз сигареттерге, папиростарға, сигариллаларға және қыздырылатын темекісі бар бұйымдарға ең төмен бөлшек сауда бағаларын белгілеуді қамтиды.

2024.01.07. № 107-VIII ҚР Заңымен 3-тармақпен толықтырылды (2024 ж. 1 қыркүйектен бастап қолданысқа енгізілді)

3. Темекі өнімдерінің өндірілуі мен айналымын мемлекеттік бақылау Қазақстан Республикасының Кәсіпкерлік кодексіне сәйкес жүзеге асырылады.

4-бап. Қазақстан Республикасы Үкіметінiң құзыретi

Қазақстан Республикасының Үкіметі:

1) темекi өнiмдерiнiң өндiрiлуi мен айналымын мемлекеттік реттеу саласындағы мемлекеттік саясаттың негiзгi бағыттарын әзiрлейдi;

2) 2023.19.04. № 223-VІІ ҚР Заңымен алып тасталды (2023 ж. 1 мамырдан бастап қолданысқа енгізілді) (бұр. ред. қара)

3) Қазақстан Республикасының заңдарына сәйкес Қазақстан Республикасына темекi өнiмдерiн әкелуге шектеулер мен тыйымдар белгiлейдi;

4) 2014.29.12. № 269-V ҚР Заңымен алып тасталды (бұр. ред. қара)

4-1) 2014.29.09. № 239-V ҚР Заңымен алып тасталды (бұр. ред. қара)

4-2) 2021.24.11. № 75-VII ҚР Заңымен алып тасталды (бұр. ред. қара)

5) 2004.20.12. № 13-III ҚР Заңымен алып тасталды (01.01.05 ж. бастап қолданысқа енгізілді) (бұр. ред. қара)

6) 2014.29.09. № 239-V ҚР Заңымен алып тасталды (бұр. ред. қара)

7) 2014.29.09. № 239-V ҚР Заңымен алып тасталды (бұр. ред. қара)

8) 2023.19.04. № 223-VІІ ҚР Заңымен алып тасталды (2023 ж. 1 мамырдан бастап қолданысқа енгізілді) (бұр. ред. қара)

2011.05.07. № 452-IV ҚР Заңымен 5-бап жаңа редакцияда (алғашқы ресми жарияланғанынан кейін үш ай өткен соң қолданысқа енгізілді) (бұр. ред. қара)

5-бап. Уәкiлеттi органның құзыретi

Уәкiлеттi орган:

2023.19.04. № 223-VІІ ҚР Заңымен 1) тармақша жаңа редакцияда (2023 ж. 1 мамырдан бастап қолданысқа енгізілді) (бұр. ред. қара)

1) темекі өнімдерінің өндірілуі мен айналымын мемлекеттік реттеу саласындағы мемлекеттік саясатты қалыптастырады және іске асырады;

2024.01.07. № 107-VIII ҚР Заңымен 1-1) тармақшамен толықтырылды (2024 ж. 1 қыркүйектен бастап қолданысқа енгізілді)

1-1) осы Заңның мақсаттары мен міндеттеріне және Қазақстан Республикасының заңнамасына сәйкес Қазақстан Республикасының темекі өнімдерінің өндірілуі мен айналымын мемлекеттік реттеу саласындағы нормативтік құқықтық актілерін әзірлейді және бекітеді;

2) темекi өнiмдерiнiң өндiрiлуi мен айналымы көлемдерiнiң теңгерiмiне бақылау, есеп жүргiзедi және талдау жасайды;

2021.24.11. № 75-VII ҚР Заңымен 2-1) тармақшамен толықтырылды; 2021.30.12. № 95-VII ҚР Заңымен 2-1) тармақша жаңа редакцияда (2022 ж. 2 наурыздан бастап қолданысқа енгізілді) (бұр. ред. қара)

2-1) фильтрлі, фильтрсіз сигареттерге, папиростарға, сигариллаларға және қыздырылатын темекісі бар бұйымдарға ең төмен бөлшек сауда бағаларын белгілейді;

2014.16.05. № 203-V ҚР Заңымен 3) тармақша жаңа редакцияда (бұр. ред. қара)

3) Қазақстан Республикасының рұқсаттар және хабарламалар туралы заңнамасына сәйкес темекi өнiмдерiн өндiруге лицензиялар бередi;

4) мемлекеттік органдармен темекi өнiмдерiнiң өндiрiлуi мен айналымын бақылауды жүзеге асыру жөнiнде өзара iс-қимыл жасайды;

5) 2014.13.01. № 159-V ҚР Заңымен алып тасталды (бұр.ред.қара)

2014.29.09. № 239-V ҚР Заңымен 5-1), 5-2) және 5-3) тармақшалармен толықтырылды

5-1) мониторингті жүзеге асыру үшін қажетті мәліметтерді ұсыну нысанын, тәртібі мен мерзімдерін айқындайды;

5-2) темекі өнімдерінің қалдықтары және (немесе) айналымы туралы декларацияларды табыс ету нысанын, тәртібі мен мерзімдерін айқындайды;

2021.05.01. № 407-VI ҚР Заңымен (2020 ж. 1 қаңтардан бастап қолданысқа енгізілді) (бұр. ред. қара); 2021.31.12. № 100-VII ҚР Заңымен (2022 ж. 1 қаңтардан бастап қолданысқа енгізілді) (бұр. ред. қара) 5-3) тармақша жаңа редакцияда

5-3) темекі бұйымдарын сәйкестендіру құралдарымен таңбалау және олардың қадағалану тәртібін айқындайды;

5-4) 2021.05.01. № 407-VI ҚР Заңымен алып тасталды (2020 ж. 1 қаңтардан бастап қолданысқа енгізілді) (бұр. ред. қара)

5-5) 2024.06.04. № 71-VIII ҚР Заңымен алып тасталды (2024 ж. 8 маусымнан бастап қолданысқа енгізілді) (бұр. ред. қара)

6) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.

6-бап. Темекi өнiмдерiнiң өндiрiлу жағдайларының ерекшелiктерi

Темекi өнiмдерiн өндiру:

1) лицензияда көрсетiлген мекенжай бойынша;

2018.05.10. № 184-VІ ҚР Заңымен 2) тармақша жаңа редакцияда (2019 ж. 11 сәуірден бастап қолданысқа енгізілді) (бұр. ред. қара)

2) стандарттау жөніндегі құжаттарда белгіленген талаптарға сәйкес келетін жабдықта;

3) өндiрiс паспорты болған кезде;

4) темекi өнiмдерiн өндiрушiге меншiк құқығымен немесе өзге де құқықтармен тиесiлi темекi өнiмдерiн өндiру үшiн қажеттi үйлер мен үй-жайлар болған кезде;

5) темекi өнiмдерiн өндiрудi технологиялық бақылау жөніндегі зертханасы болған кезде жүзеге асырылады.

7-бап. Өндiрiс паспортына енгiзiлетiн мәлiметтер

1. Өндiрiс паспортын темекi өнiмдерiн өндiрушi әзiрлеп, толтырады және уәкiлеттi органға жiбередi.

2. Өндiрiс паспортында мынадай негiзгi мәлiметтер болуға тиіс:

1) технологиялық жабдықтың негiзгi сипаттамалары көрсетiлген темекi өнiмдерiн өндiрудiң технологиялық схемасы;

2) сапа бақылауын ұйымдастыру;

3) дайын өнiмнiң қойма үй-жайларының сыйымдылығы;

4) темекi және темекi емес компоненттер шығыстарының нормативтерi, ысырап нормалары.

3. Өндiрiс паспортындағы мәлiметтер өзгерген жағдайда, темекi өнiмдерiн өндiрушi бiр ай iшiнде аталған өзгерістер туралы уәкiлеттi органға құжаттап хабарлауға мiндеттi.

8-бап. Темекi өнiмдерiнiң өндiрiлуi мен айналымының мониторингi және оны декларациялау

1. Темекi өнiмдерiнiң өндiрiсiн жүзеге асырушы тұлғалар уәкiлеттi органға Қазақстан Республикасының заңдарында белгiленген тәртiппен мониторингтi жүзеге асыру үшiн қажеттi мәлiметтер беруге мiндеттi.

2021.05.01. № 407-VI ҚР Заңымен 2-тармақша жаңа редакцияда (2020 ж. 1 қаңтардан бастап қолданысқа енгізілді) (бұр. ред. қара)

2. Темекі өнімдерін импорттауды және (немесе) көтерме саудада өткізуді жүзеге асыратын тұлғалар уәкілетті органға темекі өнімдерінің қалдықтары және (немесе) айналымы туралы декларациялар ұсынуға міндетті.

2014.16.05. № 203-V ҚР Заңымен 9-бап жаңа редакцияда (бұр. ред. қара)

9-бап. Темекi өнiмдерiн өндiру жөнiндегi қызметтi лицензиялау

Темекі өнiмдерiн өндiру жөнiндегi қызмет Қазақстан Республикасының рұқсаттар және хабарламалар туралы заңнамасына сәйкес лицензиялануға жатады.

2007.12.01 № 222-III ҚР Заңымен 10-бап өзгертілді (күшіне енетін мерзімін қара) (бұр.ред.қара)

10-бап. Лицензияның қолданылуын тоқтата тұру және одан айыру

1. Темекi өнiмдерiн өндiруге берiлетiн лицензияның қолданылуын лицензиар:

2011.15.07. № 461-IV ҚР Заңымен (алғашы ресми жарияланғанынан кейін алты ай өткен соң қолданысқа енгізілді) (бұр. ред. қара); 2014.16.05. № 203-V ҚР Заңымен (бұр. ред. қара) 1) тармақша жаңа редакцияда

1) осы Заңның 6, 7 және 8-баптарында белгiленген нормалар және Қазақстан Республикасының рұқсаттар және хабарламалар туралы заңнамасы бұзылған;

2) лицензиат біліктiлiк талаптарын бұзған;

3) лицензия берiлген күннен бастап бiр жыл iшiнде лицензияланатын қызмет жүзеге асырылмаған;

4) лицензиарға оның құзыретiне сәйкес мәлiмет беруден бас тартқан немесе дәйектемесiз ақпарат берген;

2006.11.12. № 201-III ҚР Заңымен (2007.01.01. бастап қолданысқа енгізілді) (бұр. ред. қара); 2014.16.05. № 203-V ҚР Заңымен (бұр. ред. қара) 5) тармақша өзгертілді; 2021.05.01. № 407-VI ҚР Заңымен (2020 ж. 1 қаңтардан бастап қолданысқа енгізілді) (бұр. ред. қара); 2021.31.12. № 100-VII ҚР Заңымен (2022 ж. 1 қаңтардан бастап қолданысқа енгізілді) (бұр. ред. қара) 5) тармақша жаңа редакцияда

5) темекі бұйымдарын сәйкестендіру құралдарымен таңбалау және олардың қадағалану қағидалары бұзылған жағдайларда Қазақстан Республикасының заңдарына сәйкес алты айға дейінгі мерзімге тоқтата тұра алады.

2007.12.01 № 222-III ҚР Заңымен 2-тармақ өзгертілді (күшіне енетін мерзімін қара) (бұр.ред.қара)

2. Темекi өнiмдерiн өндiруге берiлген лицензиядан айыру Қазақстан Республикасының әкімшілік құқық бұзушылық туралы заңдарына сәйкес сот тәртібімен жүзеге асырылады.

2015.03.12. № 432-V ҚР Заңымен 11-бап жаңа редакцияда (2016 ж. 1 шілдеден бастап қолданысқа енгізілді) (бұр.ред.қара)

11-бап. Темекi өнiмдерiн өткiзу

1. Қазақстан Республикасының аумағында темекi өнiмдерiн өткiзу Қазақстан Республикасының заңнамасына сәйкес жүзеге асырылады.

2021.05.01. № 407-VI ҚР Заңымен (2020 ж. 1 қаңтардан бастап қолданысқа енгізілді) (бұр. ред. қара); 2024.06.04. № 71-VIII ҚР Заңымен (2024 ж. 8 маусымнан бастап қолданысқа енгізілді) (бұр. ред. қара) 2-тармақ жаңа редакцияда

2. Темекі өнімдерінің айналымы кезінде міндетті түрде тауарларды əкелу туралы хабарлама жəне қабылдау (беру) актісі ресімделеді.

Тауарларды əкелу туралы хабарламаны жəне қабылдау (беру) актісін ресімдеу тəртібін уəкілетті орган белгілейді.

Тауарларды əкелу туралы хабарламасы жəне қабылдау (беру) актісі жоқ, сондай-ақ темекі өнімдерін сəйкестендіру құралдарымен таңбалау жəне олардың қадағалану қағидалары бұзылған темекі өнімдерінің айналымына жəне орнын ауыстыруына тыйым салынады.

3. 2024.06.04. № 71-VIII ҚР Заңымен алып тасталды (2024 ж. 8 маусымнан бастап қолданысқа енгізілді) (бұр. ред. қара)

2015.08.06. № 317-V ҚР Заңымен 12-бап өзгертілді (бұр. ред. қара)

12-бап. Темекi өнiмдерiнiң импортын реттеу

Темекi өнiмдерiнiң импортын реттеу акциз ставкаларын, кедендiк, арнайы, демпингке қарсы және өтемдiк баждар ставкаларын, темекi өнiмдерiнiң импортына квоталарды бекіту (өзгерту) арқылы жүзеге асырылады.

13-бап. Қазақстан Республикасының темекi өнiмдерiнiң өндiрiлуi мен айналымын мемлекеттік реттеу туралы заңдарын бұзғаны үшiн жауаптылық

1. Қызметiн Қазақстан Республикасының темекi өнiмдерiнiң өндiрiлуi мен айналымын мемлекеттік реттеу туралы заңдарын бұза отырып жүзеге асырушы жеке және заңды тұлғалар Қазақстан Республикасының заңдарына сәйкес жауапты болады.

2006.11.12. № 201-III ҚР Заңымен 2-тармақ өзгертілді (2007.01.01. бастап қолданысқа енгізілді) (бұр. ред. қара); 2021.05.01. № 407-VI ҚР Заңымен 2-тармақ жаңа редакцияда (2020 ж. 1 қаңтардан бастап қолданысқа енгізілді) (бұр. ред. қара); 2021.31.12. № 100-VII ҚР Заңымен 2-тармақ өзгертілді (2022 ж. 1 қаңтардан бастап қолданысқа енгізілді) (бұр. ред. қара)

2. Шығарылған жері белгіленбеген, Қазақстан Республикасы заңнамасының талаптарына және техникалық регламенттердің талаптарына және (немесе) санитариялық-эпидемиологиялық және гигиеналық талаптарға сәйкес келмейтін, сондай-ақ сәйкестендіру құралдарынсыз және сәйкестендіру құралдарымен темекі бұйымдарын таңбалау және олардың қадағалану қағидалары бұзыла отырып өткізілетін темекі өнімдері Қазақстан Республикасының заңнамасында белгіленген тәртіппен алып қоюға және жоюға жатады.

14-бап. Осы Заңды қолданысқа енгізу тәртібі

Осы Заң 2004 жылғы 1 қаңтардан бастап қолданысқа енгізіледі.

Қазақстан Республикасының