| ||||||||||||||||||||
|
|
|
Техникалық реттеу жүйесiне көшудi жүзеге асыруға арналған ведомствоаралық комиссия құру туралы (2009.17.02. берілген өзгерістер мен толықтыруларымен)
ҚР Үкіметінің 2010 жылғы 20 мамырдағы № 453 Қаулысымен ; ҚР Үкіметінің 2010 жылғы 12 маусымдағы № 558 Қаулысымен күші жойылды
Қазақстан Республикасы Үкіметінiң 2003 жылғы 17 шiлдедегi № 712-1 қаулысымен бекітілген Қазақстан Республикасының индустриялық-инновациялық дамуының 2003 - 2015 жылдарға арналған стратегиясын iске асыру жөніндегi 2003 - 2005 жылдарға арналған iс-шаралар жоспарының 5.3.3.3-тармағын iске асыру мақсатында Қазақстан Республикасының Үкіметі ҚАУЛЫ ЕТЕДI: 1. Қосымшаға сәйкес құрамда Техникалық реттеу жүйесiне көшудi жүзеге асыруға арналған ведомствоаралық комиссия (бұдан әрi - Комиссия) құрылсын. 2. Қоса берiліп отырған Комиссия туралы ереже бекiтілсiн. 3. Осы қаулы қол қойылған күнінен бастап қолданысқа енгiзiледi.
?кіметінің 2005 жылғы 2 наурыздағы № 197 қаулысына қосымша
ҚР Үкіметінің 2006.21.08. № 790 (бұр.ред.қара); 2006.04.12. № 1164 (бұр. ред. қара); 2007.29.10. № 1006 (бұр.ред.қара); 2009.17.02. № 174 (бұр.ред.қара) Қаулыларымен құрамы өзгертілді Техникалық реттеу жүйесіне көшуді жүзеге асыруға арналған ведомствоаралық комиссияның құрамы
Үкіметінiң 2005 жылғы 2 наурыздағы № 197 қаулысымен бекiтілген
Техникалық реттеу жүйесiне көшудi жүзеге асыруға арналған ведомствоаралық комиссия туралы ереже
1. Жалпы ережелер
1. Техникалық реттеу жүйесiне көшудi жүзеге асыруға арналған ведомствоаралық комиссия (бұдан әрi - Комиссия) Қазақстан Республикасы Үкіметінiң жанындағы консультативтiк-кеңесшi орган болып табылады. 2. Комиссия өз қызметiнде Қазақстан Республикасының Конституциясын, Қазақстан Республикасының заңдарын, Қазақстан Республикасының Президентi мен Үкіметінiң кесiмдерiн, өзге де нормативтiк құқықтық кесiмдерiн және осы ереженi басшылыққа алады. 3. Комиссияның шешiмдерi ұсынымдық сипатта болады.
2. Комиссияның негізгi мiндеттерi мен функциялары
ҚР Үкіметінің 2009.17.02. № 174 Қаулысымен 4-тармақ өзгертілді (бұр.ред.қара) 4. Комиссияның негiзгi мiндеттерi: 1) техникалық реттеу жүйесiне көшудi жүзеге асыру жөніндегі iс-шараларды әзiрлеу бойынша ұсыныстар жасау; 2) техникалық реттеу саласындағы мемлекеттік саясаттың негiзгi бағыттарын анықтау жөнiнде, техникалық реттеу саласындағы нормативтiк құқықтық кесiмдер талаптарының орындалуын мемлекеттік бақылау тетiгiн әзiрлеу жөнiнде ұсыныстар дайындау; 3) Қазақстан Республикасында сәйкестікті бағалау саласындағы аккредиттеуді жетілдіру және дамытуға жәрдемдесу жөнінде ұсыныстар дайындау. ҚР Үкіметінің 2009.17.02. № 174 Қаулысымен 5-тармақ өзгертілді (бұр.ред.қара) 1) мемлекеттік органдардың, шаруашылық жүргізушi субъектiлер мен қоғамдық бiрлестiктердiң ұсыныстарын талдауды жүзеге асыру, техникалық реттеу жүйесiн жетiлдiру мәселелерi жөнiнде ұсынымдар әзiрлеу және сәйкестікті бағалау саласындағы аккредиттеу; 2) техникалық реттеу саласындағы бiріншi кезектегі нормативтiк құқықтық кесiмдердi әзiрлеу жөнiнде ұсыныстар дайындау болып табылады.
6. Комиссияның: 1) Комиссияның мiндеттерiн iске асыру үшiн қажеттi мемлекеттік органдардан материалдарды сұратуға және алуға; 2) өзiнiң құзыретiне кiретiн мәселелер бойынша түсiнiктемелер алу үшiн мемлекеттік органдардың және мемлекеттік ғылыми-зерттеу ұйымдарының мамандарын қажеттілiгiне қарай тартуға; 3) Комиссияның құзыретiне кiретiн мәселелер бойынша мемлекеттік органдардың және өзге де ұйымдардың өкілдерiн Комиссия отырыстарында тыңдауға; 4) техникалық реттеу саласындағы жұмыстарды одан әрi жетілдiру жөнiнде мемлекеттік органдарға ұсыныстар енгiзуге.
4. Комиссияның жұмысын ұйымдастыру
ҚР Үкіметінің 2006.21.08. № 790 Қаулысымен 7-тармақ өзгертілді (бұр.ред.қара) 7. Комиссия Төрағасы оның қызметiне басшылық жасайды, отырыстарға төрағалық етедi, жұмысын жоспарлайды, оның шешiмдерiнiң iске асырылуына жалпы бақылауды жүзеге асырады және қолданыстағы заңнамаға сәйкес Комиссия жүзеге асыратын қызметке дербес жауап береді, сондай-ақ салааралық, ведомствоаралық үйлестіруді жүзеге асырады. Төраға болмаған уақытта оның функцияларын орынбасары орындайды. ҚР Үкіметінің 2006.21.08. № 790 Қаулысымен 8-тармақ өзгертілді (бұр.ред.қара) 8. Комиссия мүшелерi ұсынатын кезектi отырыстың күн тәртібінiң жобасына енгiзуге арналған мәселелер оларды қарау орындылығының негіздемесiмен отырысты өткізу жоспарланған мерзiмге дейiн 30 күннен кешiктiрмей электрондық түрде Комиссия хатшысына жiберiледi. Комиссия отырысын өткізуге материалдар дайындауды Комиссия хатшысы жүзеге асырады, ол отырысқа дейiн 3 күннен кешiктiрмей барлық қажетті құжаттарды Комиссия мүшелерiне жiбередi. Хатшы Комиссияның мүшесі болып табылмайды. 9. Комиссия отырыстары тоқсанына бiр рет өткiзiледi. Комиссия отырысы Комиссия мүшелерiнiң жалпы санының кем дегенде үштен екiсi қатысқан кезде заңды деп есептеледi. 10. Комиссия шешiмдерi отырысқа қатысушылардың жалпы санының көпшілiк дауысымен қабылданады және Комиссия отырысының хаттамасымен ресiмделедi. Комиссия мүшелерiнiң дауыстары тең болған кезде төрағаның дауысы шешушi болып табылады. 1) Комиссия мүшелерi жазбаша түрде баяндалатын және Комиссияның хат-есебiне қоса берілетiн ерекше пiкiрге құқығы бар. ҚР Үкіметінің 2006.21.08. № 790 Қаулысымен 2) тармақша жаңа редакцияда (бұр.ред.қара) 2) Комиссия отырыстарының өткізілу нәтижелері бойынша барлық мүшелері міндетті түрде қол қоятын хаттама жасалады. 11. Қазақстан Республикасы Индустрия және сауда министрлігінiң Техникалық реттеу және метрология комитетi Комиссияның жұмыс органы болып табылады, ол Комиссия отырыстарының арасындағы кезеңде оның ұйымдастыру мәселелерiн шешедi.
Доступ к документам и консультации
от ведущих специалистов |