«Шетелде оқуға үміткерлерді іріктеу туралы» Қазақстан Республикасы Білім және ғылым министрінің 2010 жылғы 14 маусымдағы № 304 бұйрығы (2022.24.02. берілген өзгерістер мен толықтырулармен)

Шетелде оқуға үміткерлерді іріктеу туралы

Қазақстан Республикасы Білім және ғылым министрінің 2010 жылғы 14 маусымдағы № 304 бұйрығы

(2022.24.02. берілген өзгерістер мен толықтырулармен)

ҚР Білім және ғылым министрінің 2020.11.08. № 339 бұйрығымен тақырыбы жаңа редакцияда (бұр.ред.қара)

Шетелдік жоғары оқу орындарында оқуға үміткерлерді іріктеуді жүргізудің рәсімдерін жетілдіру мақсатында БҰЙЫРАМЫН:

ҚР Білім және ғылым министрінің 2016.18.03. № 209 бұйрығымен (бұр.ред.қара); 2020.11.08. № 339 бұйрығымен (бұр.ред.қара) 1-тармақ жаңа редакцияда

1. Мыналар:

1) осы бұйрыққа 1-қосымшаға сәйкес Тәуелсіз сараптамалық комиссияның және Үміткерлерді іріктеу бойынша қорытынды комиссияның құрамы;

2) осы бұйрыққа 2-қосымшаға сәйкес Тәуелсіз сараптамалық комиссия және Үміткерлерді іріктеу бойынша қорытынды комиссия туралы ереже бекітілсін.

ҚР Білім және ғылым министрінің 2020.11.08. № 339 бұйрығымен 2-тармақ өзгертілді (бұр.ред.қара)

2. «Халықаралық бағдарламалар орталығы» акционерлік қоғамы:

1) Шетелдік жоғары оқу орындарында оқуға үміткерлердің (бұдан әрі - үміткерлер) құжаттарын қабылдау жұмысын ұйымдастыруды қамтамасыз етсін.

Құжаттарды қабылдау кезінде «Шетелге оқуға жіберу ережесін бекіту туралы» Қазақстан Республикасы Білім және ғылым министрінің 2008 жылғы 19 қарашадағы № 613 бұйрығының талаптарын басшылыққа алсын (Қазақстан Республикасының нормативтік құқықтық актілерін мемлекеттік тіркеу тізілімінде 2009 жылғы 22 қаңтарда № 5499 тіркелген, «Заң газеті» 2009 жылғы 10 ақпанда № 20 болып (1617) жарияланған);

2) үміткерлердің жеке істері Үміткерлерді іріктеу бойынша қорытынды комиссияның (бұдан әрі - Қорытынды комиссия) қарауына белгіленген мерзімде ұсынылсын.

ҚР Білім және ғылым министрінің 2020.11.08. № 339 бұйрығымен 3-тармақ өзгертілді (бұр.ред.қара)

3. Қорытынды комиссия:

1) құжаттар тапсырылған сәттен бастап 5 жұмыс күні ішінде үміткерлерді іріктеу бойынша конкурс өткізсін;