«Жайылымдар туралы» Қазақстан Республикасының 2017 жылғы 20 ақпандағы № 47-VI Заңы (2023.01.05. берілген өзгерістер мен толықтыруларымен)

ҚАЗАҚСТАН РЕСПУБЛИКАСЫНЫҢ

ЗАҢЫ

Жайылымдар туралы

(2023.01.05. берілген өзгерістер мен толықтыруларымен)

1-бап. Осы Заңда пайдаланылатын негізгі ұғымдар

2-бап. Қазақстан Республикасының жайылымдар туралы заңнамасы

3-бап. Жайылымдардың құқықтық режимі

4-бап. Қазақстан Республикасының жайылымдар туралы заңнамасының қағидаттары

5-бап. Қазақстан Республикасы Үкіметінің құзыреті

6-бап. Уәкілетті органның құзыреті

7-бап. Облыстың жергілікті атқарушы органының құзыреті

8-бап. Ауданның, облыстық маңызы бар қаланың жергілікті өкілді органының құзыреті

9-бап. Ауданның (қалалардағы аудандардан басқа)

10-бап. Жергілікті өзін-өзі басқару органдарының қарауына жатқызылған мәселелер

11-бап. Жайылым пайдаланушылардың құқықтары мен міндеттері

12-бап. Жайылым пайдаланушылар бірлестігі (жай серіктестік, консорциум)

13-бап. Жайылымдарды басқару және оларды пайдалану жөніндегі жоспар

14-бап. Жайылымдарды беру шарттары

15-бап. Жайылымдарды беру және пайдалану тәртібі

16-бап. Шалғайдағы жайылымдарды беру және пайдалану тәртібі

17-бап. Қазақстан Республикасының жайылымдар туралы заңнамасын бұзғаны үшін жауаптылық

18-бап. Осы Заңды қолданысқа енгізу тәртібі

Осы Заң жайылымдарды ұтымды пайдалануға байланысты қоғамдық қатынастарды реттейді және жайылымдар мен олардың инфрақұрылымының жай-күйін жақсартуға, жайылымдардың тозу процестерін болғызбауға бағытталған.

1-бап. Осы Заңда пайдаланылатын негізгі ұғымдар

Осы Заңда мынадай негізгі ұғымдар пайдаланылады:

1) аридтік жайылымдар - сиретілген жартылай бұталы, сирек шөптесін өсімдіктері бар шөлді және шөлейтті аумақтарда орналасқан жайылымдар;

2) екпе жайылымдар - шығымдылығы жоғары шалғын өсіру, оларға күтім жасау және ұтымды пайдалану жөніндегі агротехникалық іс-шаралардың ғылыми негізделген жүйесі негізін құрайтын, өнімділігі жоғары жемшөп дақылдары бар жайылымдар;

3) жайылым айналымы - Жайылымдарды басқару және оларды пайдалану жөніндегі жоспарға сәйкес жайылымдарды өнімді жағдайда ұстап тұру үшін оларды кезеңділікпен және кезектілікпен пайдалану және оларға күтім жасау жүйесі;